दीर्घमायुरवाप्नोति वाञ्छितां विन्दति श्रियम्
अपमृत्युजिदेव स्यादायुरारोग्यवर्द्धनम्
समिद्वरैः कृतो होमः सर्वमृत्युगदापहः
अपामार्गसमिद्धोमः सर्वामयनिषूदनः
वटमूलपदस्यान्ते प्रवदेच्च निवासिने
रुद्राय शंभवे तारशक्तिरुद्धो ऽयमीरितः
मुनिः शुकः समुद्दिष्टश्छन्दो ऽनुष्टुप्प्रकीर्तितम्
तारशक्तियुक्तैः पूर्वं ह्रीमाद्यन्तैश्च मन्त्रजैः
मूर्ध्नि भाले दृशोः श्रोत्रे गण्डयुग्मे सनासिके
कट्यां गुह्ये पुनः पादसंधिष्वर्णान्न्यसेन्मनोः
हिमाचलतटे रम्ये सिद्धिकिन्नरसेविते
सुपुष्पितैर्लताजालैराश्लिष्टकुसुमद्रुमे
गायद्देवाङ्गनासंघे नृत्यद्बर्हि कदम्बके
परस्परविनिर्मुक्तमात्सर्यमृगसेविते
आद्यैः शुकाद्यैर्मुनिभिरजस्रसुखसेविते
वटवृक्षं महोच्छ्रायं पद्मरागफलोज्ज्लम्
नवरत्नमयाकल्पैर्लंबमानैरलङ्कृतम्
तस्य मूले सुसंकॢप्तरत्नसिंहासने शुभे
कैलासाद्रिनिभं त्र्यक्षं चन्द्राङ्कितकपर्दकम्
भद्राटके कुरङ्गाढ्यजानुस्थकरपल्लवम्
अयुतद्वयसंयुक्तगुणलक्षं जपेन्मनुम्
पञ्चाक्षरोदिते पीठे तद्विधानेन पूजयेत्
नित्यं सहस्रमष्टार्द्धं परां विन्दति वाक्छ्रियम्
दक्षिणामूर्तिंसंध्यानाच्छास्त्रव्याख्यानकृद्भवेत्
ङेयुतं दक्षिणामूर्तिं मह्यंमेधामुदीरयेत्
मुनिश्चतुर्मुखश्छन्दो गायत्री देवतोदिता
पदैर्मन्त्रभवैर्वापिध्यानाद्यं पूर्ववन्मतम्
द्वितीयं वह्निबीजस्था दीर्घा शान्तीन्दुभूषिता
नीलकण्ठात्मकः प्रोक्तो विषद्वयहरः परः
कपर्द्दिने पदयुगं शिरोमन्त्र उदाहृतः