दिव्यभूषाङ्गरागं च नागयज्ञोपवीतिनम्
वेदटङ्केष्मभयं ध्यायेत्सर्वेश्वरं शिवम्
पायसैर्जुहुयात्पीठेमूर्तिं संकल्प्य मूलतः
उमादिभिः समुद्दिष्टं तृतीयं लोकनायकैः
एवं प्रतिदिनं देवं पूजयेत्साधकोत्तमः
तारः स्थिरा सकर्णेन्दुर्भघृगुः सर्गसमन्वितः
ऋषैः कहोलो देव्यादिगायत्री छन्द ईरितम्
भृगुणा दीर्घयुक्तेन षडङ्गानि समाचरेत्
मुद्रापाशैणाक्षसूत्रलसत्पाणिं शशिप्रभम्
हाराद्यैर्निजकान्त्या तु ध्यायेद्विश्वविमोहनम्
अमृताशकलैः शुद्धदुग्धाज्यसमभिप्लुतैः
अङ्गावरणमाराध्यपश्चाल्लोकेश्वरान्यजेत्
जपपूजादिभिः सिद्धे मन्त्रे ऽस्मिन्मुनिसत्तम
दुग्धसिक्तैः सुधाखण्डैर्हुत्वा प्रत्यहमादरात्
सुधावटतितान्पूर्वा पयः सर्पिः पयो हविः
सप्ताधिकान् द्विजान्नित्यं भोजयेन्मधुरान्वितम्
गुरुं संप्रीणयेत्पश्चाद्धनाद्यैर्देवताधिया
विमुक्तः सुचिरं जीवेच्छरदां शतमञ्जसा
असाध्यरोगे क्ष्वेडार्तौं मोहे दाहे महाभये
द्रव्यैरेतैः प्रजुहुयात्त्रिजन्मसु यथाविधि
दीर्घमायुरवाप्नोति वाञ्छितां विन्दति श्रियम्
अपमृत्युजिदेव स्यादायुरारोग्यवर्द्धनम्
समिद्वरैः कृतो होमः सर्वमृत्युगदापहः
अपामार्गसमिद्धोमः सर्वामयनिषूदनः
वटमूलपदस्यान्ते प्रवदेच्च निवासिने
रुद्राय शंभवे तारशक्तिरुद्धो ऽयमीरितः
मुनिः शुकः समुद्दिष्टश्छन्दो ऽनुष्टुप्प्रकीर्तितम्
तारशक्तियुक्तैः पूर्वं ह्रीमाद्यन्तैश्च मन्त्रजैः
मूर्ध्नि भाले दृशोः श्रोत्रे गण्डयुग्मे सनासिके
कट्यां गुह्ये पुनः पादसंधिष्वर्णान्न्यसेन्मनोः