ईशानः सर्वविद्यानां शशिनी प्रथमा कला
ब्रह्माधिपतिः शब्दान्ते ब्रह्मणो ऽधिपतिः पुनः
मरीचिः कथिता विप्र चतुर्थी च सदाशिवे
पूर्वपश्चिमयाम्योदग्वक्त्रेषु तदनन्तरम्
आद्या तत्पुरुपायेति विद्महे शान्तिरीरिता
विद्या द्वितीया कथिता तन्नो रुद्रः पदं ततः
निवृत्तिस्तत्परा सर्वा प्रणवाद्या नमोन्विता
अथोरसि कला न्यस्येदष्टौ मन्त्री यथाविधि
अथ घोरेभ्य इत्यन्ते मोहास्यात्तदनन्तरम्
घोरतरेभ्यो निद्रा स्यात्सर्वेभ्यः सर्वतत्परा
मृत्युर्निगदिता षष्ठी नमस्ते अस्तु तत्परम्
अष्टमी कथिता एताध्रुवाद्या नमसान्विताः
कट्यां पार्श्वद्वये वामकला न्यस्येत्त्रयोदश
स्याज्ज्येष्ठाय नमो रक्षा द्वितीया परिकीर्तिता
नमः संयमनी षष्ठी कथिता तदनन्तरम्
नमो वृद्धिस्त्वष्टमी स्याद्बलान्ते च स्थिरा कला
सर्वभूतदमनाय नमोन्ते भ्रामणी कला
मनोन्मन्यै नमः पश्चाज्ज्वरा प्रोक्ता त्रयोदशी
पाददोस्तननासासु मूर्ध्नि बाहुयुगे न्यसेत्
सद्योजातं प्रपद्यामि सिद्धिः स्यात्प्रथमा कला
भवेद्युतिस्तृतीया स्यादभवे तदनन्दरम्
मेधा स्यात्पञ्चमी प्रोक्ता कलाभूयो भवस्व माम्
उद्भवाय नमः पश्चात्सुधा स्यादष्टमी कला
अष्टात्रिंशत्कलाः प्रोक्ताः पञ्च ब्रह्मपदादिकाः
ततः समाहितो भूत्वा ध्यायेदेवं सदाशिवम्
अक्षैर्युतं ग्लौमुकुटं कोटिपूर्णेन्दुसंप्रभम्
दधानंभूषणोद्दीप्तं घण्टापाशवराभयान्
प्रसूनैः करवीरोत्थैर्जुहुयात्तहृशांशतः
आवाह्य पूजयेत्तस्यां मूर्तावावरणैः सह
ईशानं त्रीक्षणं शुभ्रमैशान्यां दिशि पूजयेत्