प्रजपंस्तां ततः पृच्छेदभीष्टं कथयेच्च सा
जन्मान्तराण्यतीतानि सर्वं सा पूजिता वदेत्
सहस्रवारं स्थिरधीः पूर्णात्मा विचरेत्सुखी
प्राप्नोति मण्डलं होमात्सितैश्च महद्यशः
सुवर्णं समवाप्नोति निधिं वा वसुधां तु वा
धान्यानि विविधान्याशु सुभगः स भवेन्नरः
तदक्तैरपि कह्लारैर्हवनाद्राजवल्लभः
चतुर्विधं तु पाण्डित्यं भवत्येव न संशयः
कन्यकां लभते पत्नीं समस्तगुणसंयुताम्
क्षौद्राक्षं जुहुयात्तद्वदयत्नाद्धनदोपमः
प्रसूनैररुणैस्तद्वत्तथा बन्धूकसंभवैः
सितरक्तैस्तुमिलितैरायुरारोग्यमाप्नुयात्
तथा गुडूच्या होमेन पायसेन तिलेन च
हवनाच्छ्रियमाप्नोति यावदन्वयगा भवेत्
तत्पङ्क मर्द्दितैर्हेमात्कह्लारैर्विकचैः सुमैः
निःसपत्नो निरातङ्को निर्द्रन्दो निर्मलाशयः
तथैव करवीरोत्थैः प्रसूनैररुणैः सितैः
तथैव पङ्कजैर्हेमाद्रूपाजीवां वशं नयेत्
लभते ऽनुपमां लक्ष्मीमपि पापिष्ठचेतनः
अर्द्धेन्दुकुण्डे नियतं वशगा रिपवो मुने
मृत्युबीजैर्निम्बतैलसिक्तैर्हेमान्निहॄन्ति तान्
अक्षबीजैस्तु तैलाक्तैर्हेमः सर्वविनाशनः
तथैवाक्षतरूद्भूतपञ्चाङ्गहवनादपि
तद्दिने स्यादपस्मारी वैरी भवति निश्चितम्
तद्योनिपिशितैस्तैश्च हवनान्मृत्युकृद्रिपोः
जायन्ते वैरिणः कुष्ठरोगा देहविलोपकाः
दाहज्वरेण ग्रस्तः स्यादरातिस्तद्दिने ध्रुवम्
स्निग्धैः संप्राप्तसद्विद्यैर्जपहोमादि कारयेत्
विद्याभिरन्यथासिद्धमन्त्रमस्याशु नाशयेत्
द्वापरे त्रिगुणं प्रोक्तं कलौतत्तु चतुर्गुणम्