प्रतिपत्तिथिमारभ्य पञ्चम्यन्तं क्रमेण वै
माहिषाज्यप्लुतैस्ताभिस्तिथिभिः समवाप्नुयात्
प्रागुक्तैर्निस्तुषैर्हेमात्प्रागुक्तफलमाप्नुयात्
सितान्नैः पायसैः सिक्तैराविकैस्तु घृतैस्तथा
एवं नक्षत्रवृक्षोत्थवह्नौ तैस्तैर्मधुप्लुतैः
विद्यां संसाध्य पूर्वं तु पश्चादुक्तानशेषतः
संपूज्य देवतां विप्रकुमारीं कन्यकां तु वा
तथाविधं कुमारं वा संस्थाप्यभ्यर्च्य विद्यया
प्रसूनैररुणैः शुभ्रैः सौरभाढ्यैरथापि वा
ततो देव्या समाविष्टे तस्मिन्संपूज्य भक्तितः
प्रजपंस्तां ततः पृच्छेदभीष्टं कथयेच्च सा
जन्मान्तराण्यतीतानि सर्वं सा पूजिता वदेत्
सहस्रवारं स्थिरधीः पूर्णात्मा विचरेत्सुखी
प्राप्नोति मण्डलं होमात्सितैश्च महद्यशः
सुवर्णं समवाप्नोति निधिं वा वसुधां तु वा
धान्यानि विविधान्याशु सुभगः स भवेन्नरः
तदक्तैरपि कह्लारैर्हवनाद्राजवल्लभः
चतुर्विधं तु पाण्डित्यं भवत्येव न संशयः
कन्यकां लभते पत्नीं समस्तगुणसंयुताम्
क्षौद्राक्षं जुहुयात्तद्वदयत्नाद्धनदोपमः
प्रसूनैररुणैस्तद्वत्तथा बन्धूकसंभवैः
सितरक्तैस्तुमिलितैरायुरारोग्यमाप्नुयात्
तथा गुडूच्या होमेन पायसेन तिलेन च
हवनाच्छ्रियमाप्नोति यावदन्वयगा भवेत्
तत्पङ्क मर्द्दितैर्हेमात्कह्लारैर्विकचैः सुमैः
निःसपत्नो निरातङ्को निर्द्रन्दो निर्मलाशयः
तथैव करवीरोत्थैः प्रसूनैररुणैः सितैः
तथैव पङ्कजैर्हेमाद्रूपाजीवां वशं नयेत्
लभते ऽनुपमां लक्ष्मीमपि पापिष्ठचेतनः
अर्द्धेन्दुकुण्डे नियतं वशगा रिपवो मुने