आयुरारोग्यविभवैर्नृपामात्यो भवेत्तथा
दूर्वात्रिकैस्तु प्रादेशमानैस्त्रिस्वादुसंयुतैः
तद्दिनेषु जपेद्विद्यां नित्यशः सलिलं स्पृशन्
पाकाद्यमपि तैरव कुर्याद्रोगविमुक्तये
पिष्टं च साध्यपादोत्थरजसा च समन्वितम्
प्राग्वच्छित्वायसैस्तीक्ष्णैः शस्त्रैः पुत्तलिकां हनेत्
तथाविधां पुत्तलिकां कुण्डमध्ये निखन्य च
त्रिसहस्रं त्रियमायां सर्षपैस्तद्रसाप्लुतैः
वशयेद्वनितां हाएंमात्कौशिकैर्मधुमिश्रितैः
तथाज्यसिक्तैः कह्लारैः क्षीराक्तैररुणोत्पलैः
मधूकजैः प्रसूनैश्च हुतैः कन्यामवाप्नुयात्
माहिषैर्महिषीराजैरजान् गव्यैश्च गास्तथा
शालिपिष्टमयीं कृत्वा पुत्तलीं ससितां ततः
तन्मनाश्च दिवारात्रौ विद्याजप्तां तु भक्षयेत्
दासवद्वशमायाति चित्तप्राणादि चार्पयेत्
त्रिसप्तरात्रान्महतीमवाप्नोति श्रियन्नरः
क्षीराक्तैः सस्यसंपन्नां भुवमाप्नोति मण्डलात्
बिल्वैर्दशांशं जुहुयान्मन्त्राद्यैः साधने जपे
फणिदष्टमृतानां तु मुखे संताड्य जीवयेत्
संताड्यशीर्षं सहसा मृतमुत्थापयेदिति
तिलसर्षपगोधूमशालिधान्ययवैर्हुनेत्
बकुलैश्चंपकैरब्जैः कह्लारैररुणोत्पलैः
अशोकैः पाटलैर्विल्वैर्जातीविकङ्कतैः सितैः
होमाल्लक्ष्मीं च सौभाग्यं निधिमायुर्यशो लभेत्
सितार्कप्लक्षजं हुत्वा चिरान्मुच्येत रोगतः
अचलां लभते लक्ष्मीं भोक्ता च भवति ध्रुवम्
चतुरङ्गुलजैर्हेमाञ्चतुरङ्गबले रिपोः
नित्यं नित्यार्चनं कुर्यात्तथा होमं घृतेन वै
चन्दनोशीरकर्पूरकस्तूरीरोचनान्वितैः
पूजयेच्च शिवामेतैर्गन्धैः सर्वार्थसिद्धये