नालिके रफलान्तस्थसलिले शशिना युते
आतपे सद्य एवैतदासवं देवताप्रियाम्
देवैः कृत्वा ततः सद्यो दद्यात्तत्सिद्धये द्वयम्
न कदाचित्पिबोत्सिद्धो देव्यर्थमनिवेदितम्
ततः करोति चेत्सद्यः पातकी भवति ध्रुवम्
पातकी राजदण्ड्यश्च रिक्थोपासक एव
सिद्धस्य सर्वदा प्रोक्तं यतो ऽसौ तन्मयो भवेत्
उपचारैरासवैश्च मत्स्यैर्मांसैस्तु संस्कृतैः
येषामाचरणात्सिद्धिं साधको लभते ध्रुवम्
वैशाखे मासि पूर्णायां पूजयेद्धेमपुष्पकैः
आषाढ्यां चन्दनैरेलाजातीकङ्कोलकुङ्कुमैः
प्रौष्ठपद्यां गन्धपुष्पैर्यजेद्वा केतकीसुमैः
कार्तिक्यां कुङ्कुमैश्चैव निशि दीपगणैरपि
पौष्यां सशर्करगुडैर्गवां दुग्धैः समर्चयेत्
फआल्गुन्यां विविधैर्द्रव्यैः फलैः पुष्पैः सुगन्धिभिः
सिद्धद्रव्यैश्च सप्ताहात्खेचरीमेलनं भवेत्
कदम्बगजातिपुष्पाभ्यां सिद्धद्रव्यैः शिवां यजेत्
केतकीकुसुमैः सिद्धाश्चेटका वारिधेस्तटे
वसूनि मालां भूषां च दद्युरस्येहयानिशम्
शाल्मलैः कुसुमैः सिद्धद्रव्यैर्मासं तु निर्भयम्
अश्मपातप्रहाराद्यैर्जीयादाभिर्द्विषश्चिरम्
यजेद्देवीं चक्रगतां सिद्धद्रव्यसमन्विताम्
तेन सिद्ध्यन्ति वेतालास्तानारुह्येच्छया चरेत्
मध्यरात्रे यजेद्देवीं कृष्णवस्त्रविभूषणैः
साध्य योनिं तदग्रे तु बलिं छिन्दन्निवेदयेत्
जायन्ते भीषणाः कृत्यास्ताभ्यः सिद्धिं निवेदयेत्
देव्या ललाटनेत्रे स्युः प्रार्थिते तु तिरोहिताः
उद्याने निर्जने देवीं चक्रे संचिन्त्य पूजयेत्
सिद्धद्रव्यसमोपेतैर्मायाः सिद्ध्यन्ति मासतः
याभिर्विश्वजयी विश्वचारी विश्वविनोदवान्