अचिरेणैव देवीनां प्रसादात्संभवन्ति च
अष्टावृत्त्या नरो भूपान्निग्रहानुग्रहक्षमः
दशावृत्त्या पठेन्नित्यं वाग्लक्ष्मीकान्तिसिद्धये
अर्कावृत्त्या सिद्धिभिः स्याद्दिग्भिर्मर्त्यो हरोपमः
शक्रावृत्त्याखिलेष्टाप्तिः सर्वतो मङ्गलं भवेत्
षोडशावृत्तितो भूयान्नरः साक्षान्महेश्वरः
मण्डलं मासमात्रं वा यो जपेद्यद्यदाशयः
इत्येतत्कथितं विप्र नित्यावृत्त्यर्चनाश्रितम्
नाम्नां सहस्रं मनसो ऽभीष्टसंपादनक्षमम्
इति श्रीबृहन्नारदीयपुराणे पूर्वभागे बृहदुपाख्याने तृतीयपादे ललितास्तोत्र कवचसहस्रनामकथनं नामैकोननवतितमो ऽध्यायाः
पटलं ते ऽभिधास्यामि नित्याभ्यर्चनदीपकम्
शेषेण देवीरूपेण तेन स्यादिदमीरितम्
तस्याश्चार्थस्तु कथितः सर्वतन्त्रेषु गोपितः
तयोर्विमर्श ईकारो बिन्दुना तन्निफआलनम्
एकार्णवन्तो द्व्यर्णाश्च त्रिदिङ्मुखार्णकाः
तैर्भेदयो जनं कुर्यात्संदर्भाणामशेषतः
उभयात्मकमप्यात्मस्वरूपं तैश्च भावयेत्
पराहॄन्तामयं सर्वस्वरूपं चात्मविग्रहम्
प्रकाशरूपमात्मत्वे वस्तु तद्भासते परम्
यद्विद्येति समाख्यातं सर्वथा सर्वतः सदा
तद्विधानं च वक्ष्यामि सम्यगासवकल्पनम्
गतुडमुष्णोदके क्षिप्त्वा समालोड्य विनिक्षिपेत्
खात्वा भूमौ संध्ययोस्तु करैः संक्षोभ्य भूयसा
संशोध्य पूजयेत्तेन गौडी सा गुडयोगतः
अध्यर्द्धद्विगुणे तोये श्रपयेत्तन्दुलं शनैः
दिनमेकं धृते वाते निवाते स्थापयेत्ततः
वृक्षजं फलजं चेति द्विविधं क्रियते मधु
मृद्वीकांवाथ खर्जूरफलं पुष्पमथापि वा
प्राक्सृतासवलेशेन मिलितं दिवसद्वयात्
वार्क्षं तु नालिकेरं स्याद्धिन्तालस्याथ तालतः