षण्मुखा रविरूपा च माता दुर्गा दिशा तथा
अश्विनी च यमी वह्नि रूपा धात्रीति कीर्तिता
अर्यम्णा च भगा सूर्या त्वाष्ट्रिमारुतिसंज्ञिका
वैश्वदेवी हरितभूर्वासवी वरुणा जया
उदुंबरा जंबुका च खदिरा कृष्णारूपिणी
पक्षका च तथाम्बष्ठा बिल्वाचार्जुनरूपिणी
वञ्जुला पनसार्का च शमी हलिप्रियाम्रका
नागिनी सर्पिणी चैव शुनी चापि बिडालिकी
शार्दूली सैरिभी व्याघ्री हरिणी च मृगी शुनी
नगा गौर्हस्तिनी चेति तथा षट्चक्रवासिनी
सोमा सूर्या तिथिर्वारा योगार्क्षा करणात्मिका
क्रोधिनी स्तंभिनी चण्डोञ्चण्डा ब्राह्मादिरूपिणी
भौमाप्या तैजसीवायुरूपीणी नाभसा तथा
पञ्चविंशतिवक्त्रा च षड्विंशद्वदना तथा
एकाशीतिमुखा चैव शताननसमन्विता
वृणावृत्तिस्वरूपा च नाथावृत्तिस्वरूपिणी
तत्त्वावृत्तिस्वरूपापि नित्यावृत्तिवपुर्द्धरा
गुरुपङ्क्तिस्वरूपा च विद्यावृत्तितनुस्तथा
मध्यमा वैखरी शीर्षकण्ठताल्वोष्ठदन्तगा
पदवाक्यस्वरूपा च वेदभाषास्वरूपिणी
व्याकुलाक्षरसंकेता गायत्री प्रणवादिका
सिद्धसारस्वता मृत्युञ्जया च त्रिपुरा तथा
गौरी च देवी हृदया लक्षदा च मतङ्गिनी
राजलक्ष्मीर्महालक्ष्मीः सिद्धलक्ष्मीर्गवानना
सर्वार्थसिद्धिदं प्रोक्तं चतुर्वर्गफलप्रदम्
स यो गी ब्रह्मविज्ज्ञानी शिवयोगी तथात्मवित्
लोकानुरञ्जनं नारीनृपावर्जनकर्म च
त्रिरावृत्त्यास्य वै पुंसो विश्वं भूयाद्वशे ऽखिलम्
फलत्येव प्रयोगार्हे लोकरक्षाकरो भवेत्
भजन्त्येनं साधकं च देव्यामाहितचेतसः