अस्याः षष्ठादिपञ्चार्णा दैत्यास्यादाद्य ईरितः
तृतीयः पञ्चविंशार्णः प्रोक्ता मन्त्रा इति क्रमात्
विकीर्णकुन्तलां नग्रां रक्तामानन्दविग्रहाम्
तत्समानायुधाकारवर्णा देव्यास्तु वा
इत्येषा कुरुकुल्लान्ते प्रोक्ता चन्द्रावलीस्वयम्
शुचिः स्वेनाथ शून्यं स्यान्नभसाभ्ररसिस्थिरा
इलसायुतो ऽग्निरेतानि पुनरंबुमरुद्युतम्
अम्बुदाहौ मरुद्युक्तौ हंसो ऽथ धरया नभः
तोयं चरेण तत्पूर्वं तोयमग्नियुतं ततः
दाहो धरा स्वसहरितस्तोयं चरसमन्वितम्
ज्याख्येन युक्ता सचरो रभश्चैतस्य पूर्वकम्
शुभोभ्रता चरेणापि हंसः स्वेन सपूर्वकम्
रसश्चरेण तत्पूर्वमग्निना च रसो युतः
प्राणः स्वेन युतः पश्चाद्धृदयस्वयुतं रसः
गोत्राभरायुता स्पर्शो नादयुक्तो जवीयुतः
शून्यं मरुत्स्वसहितं हृद्दाहेनांबुना चरः
ज्याग्निः स्वसंयुतो हंसस्तथांबु मरुता सह
प्राणदाहौ धरायुक्तौ पुनस्तौ वह्निना वियत्
पूर्वद्विरुक्तवर्णौ च शुद्धिः स्वेन युतस्तथा
युतिर्नादवती पश्चाद्धृदंबुमरुता युतम्
वाराही पञ्चमी विश्वविजया भद्रकौमुदी
अङ्गानि कुर्यान्मन्त्रार्णैः सप्तभिषड्भिरेव च
त्रिकोणवृत्तषट्कोणवृत्तद्वयसमन्वितम्
ध्यायेच्च देवीं कीलास्यां ततः काञ्चनसन्निभाम्
त्रिनेत्रामष्टहस्तां च चक्रं शङ्खमथाङ्कुशम्
दधानां गरुडस्कन्धे सुखासीनां विचिन्तयेत्
प्रयोगेषु स्मरेद्देवीं सिंहस्थां व्याघ्रगामपि
श्यामामप्यरुणां पीतामसितांभोजविग्रहाम्
अरुणां पञ्चमीं वश्ये पीतां स्तंभनके स्मरेत्
धूम्रामुच्चाटने ध्यायेत्साधको द्विजसत्तमः