एवं ध्यात्वार्चयेद्वह्निवासिनीं वह्निविग्रहम्
अथ या सप्तमी नित्या महावज्रेश्वरी मुने
द्वितीयं वह्विवासिन्या नित्यक्लिन्ना चतुर्थकम्
नित्यक्लिन्नाद्वितीयं च तृतीयं षष्ठसप्तमौ
द्वयमेकैकमथ च द्वयद्वयमथ द्वयम्
प्रत्येकं शक्तिपुटुतैर्मन्त्रार्णैर्दशभिर्न्यसेत्
रक्तां रक्तांबरां रक्तगङ्घमालाविभूषणाम्
पाशाङ्कुशामिक्षुचापं दाडिमीशायकं तथा
पश्यन्ती साधके अस्त्रषट्कोणाब्जमहीपुरे
शक्तिभिः स्वस्वरूपाभिरावृतां पीतमध्यगाम्
वृतां ताभिर्विनोदानि यातायातादिभिः सदा
एषा तु सप्तमीप्रोक्ता दूतिं चाप्यष्टमीं शृणु
अंबु स्यान्मरुता युक्तं गोत्रा क्ष्मासंयुता ततः
अत्यार्णां वह्निवासिन्या दूती नित्या समीरिताः
तेनैव पुटितैरर्णैर्न्यसेच्छ्रोत्रादिपञ्चसु
निदाघकालमध्याह्नदिवाकरसमप्रभाम्
नानाभरणसंभिन्नदेहकान्तिविराजिताम्
पाशं खेटं गदां रत्नचषकं वामबाहुभिः
दधानां साधकाभीष्टदानोद्यमसमन्विताम्
इत्येषा कथिता तुभ्यं समस्तापन्निवारिणी
अथ ते नवमीं नित्यां त्वरितां नाम नारद
आद्यं तु वह्निवासिन्या दूत्यादिस्तदनन्तरम्
वायुः प्रभाचरयुता ग्रासशक्तिसमन्वितः
हंसः क्ष्माखंयुतो ग्रासश्चरयुक्तो द्वितीयकः
विद्या चतुर्थवर्णादिसप्तभिस्त्वक्षरैस्तथा
शिरोललाटकण्ठेषु हृन्नाभ्याधारके तथा
पादयुग्मे तथा वर्णान्मन्त्रजान्दश विन्यसेत्
ताराद्यैः शृणु तद्ध्यानं सर्वसिद्धिविधायकम्
द्विद्विक्रमादष्टनागैः कल्पिताभरणोज्ज्वलैः
विप्रक्षत्रियविट्शूद्रजातिभिर्भीमविग्रहैः