एषा तृतीया कथिता वनिता जनमोहिनी
हंसस्तु दाहवह्निस्वैर्युक्तः प्रथममुच्यते
हृदंबुमरुता युक्तः स एवैकादशाक्षरः
आद्येन मन्त्रवर्णेन हृदयं समुदीरितम्
न्यसेदङ्गुष्ठमूलादिकनिष्ठाग्रान्तमूर्द्ध्वगम्
त्वचि ध्वजे च पायौ च पादयो रर्णकान्न्यसेत्
अरुणस्रग्विलेपां तां चारुस्मेरमुखांबुजाम्
विराजमानां मुकुटलसदर्द्धेन्दुशेखराम्
अभयं बिभ्रतीं पद्ममध्यासीनां मदालसाम्
पुण्या चतुर्थी गदिता नित्याक्किन्नाह्वया मुने
भूः स्वेन युक्ता प्रथमं प्राणो दाहेन तद्युतः
ज्या च दाहेन तद्युक्ता नित्याक्लिन्नान्तगद्वयम्
प्रणवं ठद्वयं त्यक्त्वा मध्यस्थैः षड्भिरक्षरैः
रन्ध्राद्यामुखकण्ठेषु हन्नाभ्यां धारयद्वयम्
अथ ध्यानं प्रवक्ष्यामि देव्याः सर्वार्थसिद्धिदम्
चारुस्मितां चितमुखीं दिव्यालङ्कारभूषिताम्
रसनानूपुरोर्म्यादिभूषणैरतिसुन्दरीम्
करैर्दधानामासीना पूजायां मत्पसस्थिताम्
पूजयेत्तद्वदभितः स्मितास्या विजयादिकाः
यस्याः स्मरणतो नश्येद्गरलं त्रिविधं क्षणात्
तद्विधानं शृणुष्वाद्य साधकानां सुसिद्धिदम्
ततोंऽबुशून्ये हंसाग्निह्युत्तमंबुमरुद्युतम्
शून्यं नभः शक्तियुतं नवार्णेयमुदाहृता
मायान्तान्षड्भिरेवां गान्याचरेत्सकराङ्गयोः
व्यापकं च समस्तेन कुर्यादेवात्मसिद्धये
तप्तकाञ्चनसंकाशां नवयौवनसुन्दरीम्
अष्टाभिर्बाहुभिर्युक्तां माणिक्याभरणोज्ज्वलाम्
पीतकौशेयवसनां रत्नमञ्जीरमेखलाम्
रत्नाब्जकंबुपुण्ड्रेक्षुचापपूर्णेन्दुमण्डलम्
पुष्पेषुं मातुलिङ्गं च दधानां दक्षिणैः करैः