विवर्णां चञ्चलां दुष्टां दीर्घां च मलिनांबराम्
कङ्कध्वजरथारूढां प्रलंबितपयोधरम्
प्रवृद्धलोमां तु भृशं कुटिलाकुटिलेक्षणाम्
एवंविधां तु संचिन्त्य नमः स्वाहा फडन्तकम्
अवष्टभ्य शवं शत्रुनाम्नाथ प्रजपेन्मनुम्
उपवासी श्मशाने वा विपिने शून्यमन्दिरे
सहस्रादूर्द्धूतः शत्रुर्ज्वरेण परिगृह्यते
मन्त्राद्या क्षरमालिख्य शत्रूनाम ततः परम्
सर्वं मनुदिक्सहस्रजपाच्छवमृतिर्भवेत्
विरोधिनाम्नाष्टशतं जप्तमुच्चाटनं रिपोः
विरोधिनामसंरुद्धं कृष्णे पक्षे समुच्चरेत्
एवं संक्षेपतः प्रोक्तं अवतारचतुष्टयम्
दुर्गाया जगदंबायाः किं पुनः प्रष्टुमिच्छसि
सर्वासामवताराणां नारदो देवदर्शनः
अवतारकलानां हि पप्रच्छ विनयान्वितः
पज्जगन्मातृमन्त्राणां वैभवं श्रुतवान्मुने
तथा राधावताराणां श्रोतुमिच्छामि वैभवम्
राधावतारास्तान्सत्यं कीर्तयाशेषसिद्धिदान्
सनत्कुमारः प्रोवाच ध्यात्वा राधापदांबुजम्
राधावतारचरितं भजतामिष्टिसिद्धिदम्
मालावतीमुखाष्टानां चन्द्रावल्यधिपास्मृता
राधाचरणपूजायामुक्ता मालावतीमुखाः
कलावती मधुमती विशाखा श्यामलाभिधा
सुशीलाप्रमुखा श्चान्याः सख्यो द्वात्रिंशदीरिताः
सुशीलां शशिलेखा च यमुना माधवी रतिः
चन्द्रानना पद्ममुखी सावित्री च सुधामुखी
कालिका कमला दुर्गा विरजा भारती सुरा
अपर्णा मनसानन्दा द्वात्रिंशद्राधिकाप्रियाः
ससर्ज षोडशकलास्ताः सर्वास्तत्समप्रभाः
वर्णये सर्वतन्त्रेषु रहस्यं मुनिसत्तम