कामदेवः स्मरः पञ्च कीर्तितान्याससिद्धिदाः
द्राविण्याद्याः क्रमान्न्यस्येद्वाणेशीबीजपूर्वकः
द्राविणी क्षोभिणी वशीकरण्याङ्कर्षणी तथा
तार्तीयवाग्मध्यगेन कामेन स्यात्षडङ्गकम्
ध्यायेद्रक्तसरोजस्थां रक्तवस्त्रां त्रिलोचनम्
लक्षत्रयं जपेन्मन्त्रं दशांशं किंशुकोद्भवैः
नवयोन्यात्मकं यन्त्रं बहिरष्टदलावृतम्
दलाग्रेषु त्रिशूलानि पद्म तु मातृकावृतम्
इच्छा ज्ञाना क्रिया चैव कामिनी कामदायिनी
पीठशक्तीरिमा इष्ट्वा पीठं तन्मनुना दिशेत्
प्रेतपद्मासनं ङेंतं नमोन्तः पीठमन्त्रकः
आवाह्य प्रजपेद्देवीमुपचारैः पृथग्विधैः
वामकोणे रतिं दक्षे प्रीतिमग्रे मनोभवाम्
मध्ययोमेर्हहिः पूर्वादिषु चाग्रे स्मरानपि
सुभगाख्या भागा पश्चात्तृतीया भगसर्पिणी
अनङ्गमेखलानङ्गमदनेत्यष्टशक्तयः
दीर्घाद्या मातरः पूज्या ह्रस्वाद्याश्चाष्टभैरवाः
मलयं कोल्लगिर्य्याख्यं चौहाराख्यं कुलान्तकम्
भूगृहे दशदिक्ष्वर्चेद्धेतुकं त्रिपुरान्तकम्
एकपादं भीमरूपं विमलं हाटकेश्वरम्
तद्बहिर्दिक्षु बटुकं योगिनीं क्षेत्रनायकम्
भूतांश्चेत्थं भजन्बालामीशः स्याद्धनविद्ययोः
नन्द्यावर्तै राजवृक्षैः कुन्दैः पाटलचंपकैः
अपमृत्युं जयेन्मन्त्री गुडूच्या दुग्धयुक्तया
ज्ञानं कवित्वं लभते चन्द्रागुरुसुरैर्हुतैः
सुरभिक्षीरदध्यक्तांल्लाजान्हुत्वा रुजो जयेत्
चन्दनं केशरं मांसीं क्रमाद्भागैनिंयोजयेत्
श्मशाने कृष्णभूतस्य निशि नीहारपाथसा
विदद्ध्यात्तिलकं तेन दर्शनाद्वशयेज्जनान्
प्रयोजनानां सिद्ध्यै तु देव्याः शापं निवर्त्य च