कूर्मपुराणम्

त्रिशक्तिजननी जन्या षडूर्मिपरिर्जिता

संकर्षणी जगद्धात्री कामयोनिः किरीटिनी

प्रद्युम्नदयिता दान्ता युग्मदृष्टिस्त्रिलोचना

वृषावेशा वियन्माता विन्ध्यपर्वतवासिनी

चाणूरहन्तृतनया नीतिज्ञा कामरूपिणी

वीरभद्रप्रिया वीरा महाकालसमुद्भवा

आप्यायनी हरन्ती च पावनी पोषणी खिला

करीषिणी सुधावाणी वीणावादनतत्परा

अरुन्धती हिरण्याक्षी मृगाङ्का मानदायिनी

धाराधरा वरारोहा वरावरसहस्त्रदा

श्रीधरा श्रीकरी कल्या श्रीधरार्धशरीरिणी

निहन्त्री दैत्यसङ्घानां सिहिका सिहवाहना

रसज्ञा रसदा रामा लेलिहानामृतस्त्रवा

वज्रदण्डा वज्रजिह्वा वैदेवी वज्रविग्रहा

गान्धर्वो गारुडी चान्द्री कम्बलाश्वतरप्रिया

कर्णिकारकरा कक्ष्या कंसप्राणापहारिणी

प्रत्यक्षदेवता दिव्या दिव्यगन्धा दिवापरा

इष्टा विशिष्टा शिष्टेष्टा शिष्टाशिष्टप्रपूजिता

सुरेन्द्रमाता सुद्युम्ना सुषुम्ना सूर्यसंस्थिता

धर्मशास्त्रार्थकुशला धर्मज्ञा धर्मवाहना

धर्मशक्तिर्धर्ममयी विधर्मा विश्वधर्मिणी

धर्मोपदेष्ट्री धर्मत्मा धर्मगम्या धराधरा

सर्वशक्तिविनिर्मुक्ता सर्वशक्त्याश्रयाश्रया

सदाशिवा वियन्मूर्तिर्विश्वमूर्तिरमूर्तिका

भूयः प्रणम्य भीतात्मा प्रोवाचेदं कृताञ्जलिः

भीतो ऽस्मि साम्प्रतं दृष्ट्वा रूपमन्यत् प्रदर्शय

संहृत्य दर्शयामास स्वरूपमपरं पुनः

द्विनेत्रं द्विभुजं सौम्यं नीलालकविभूषितम्

श्रीमद् विशालसंवृत्तललाटतिलकोज्ज्वलम्