कूर्मपुराणम्

पद्मानना पद्मनिभा नित्यतुष्टामृतोद्भवा

महेन्द्रभगिनी मान्या वरेण्या वरदर्पिता

वाच्या वरेश्वरी वन्द्या दुर्जया दुरतिक्रमा

भद्रकाली जगन्माता भक्तानां भद्रदायिनी

यशस्विनी यशोदा च षडध्वपरिवर्तिका

चैत्रा संवत्सरारूढा जगत्संपूरणीन्द्रजा

खगध्वजी खगारूढा परार्घ्या परमालिनी

जयन्ती हृद्गुहा रम्या गह्विरेष्ठा गणाग्रणीः

कलिकल्पषहन्त्री च गुह्योपनिषदुत्तमा

विश्वामरेश्वरेशाना भुक्तिर्मुक्तीः शिवामृता

अनन्तशयनानन्या नरनारायणोद्भवा

संकर्षणसमुत्पत्तिरम्बिकापादसंश्रया

सुप्रभा सुस्तना गौरी धर्मकामार्थमोक्षदा

महाविभूतिदा मध्या सरोजनयना समा

सर्वशक्त्यासनारूढा धर्माधर्मार्थवर्जिता

विचित्रगहनाधारा शाश्वतस्थानवासिनी

गणाम्बिका गिरेः पुत्री निशुम्भविनिपातिनी

अनन्तवर्णानन्यस्था शङ्करी शान्तमानसा

गौर्गोर्गव्यप्रिया गौणी गणेश्वरनमस्कृता

सर्ववादाश्रया संख्या संख्ययोगसमुद्भवा

बिन्दुनादसमुत्पत्तिः शंभुवामा शशिप्रभा

महाश्रीः श्रीसमुत्पत्तिस्तमः पारे प्रतिष्ठिता

शान्त्यतीता मलातीता निर्विकारा निराश्रया

दैत्यदानवनिर्मात्री काश्यपी कालकल्पिका

नारायणी नरोद्भूतिः कौमुदी लिङ्गधारिणी

परान्तजातमहिमा बडवा वामलोचना

मनस्विनी मन्युमाता महामन्युसमुद्भवा

अशोच्या भिन्नविषया हिरण्यरजतप्रिया

विभ्राजमाना दुर्ज्ञेया ज्योतिष्टोमफलप्रदा