कूर्मपुराणम्

योगीश्वरी ब्रह्मविद्या महाविद्या सुशोभना

स्वाहा विश्वंभरा सिद्धिः स्वधा मेधा धृतिः श्रुतिः

अजा विभावरी सौम्या भोगिनी भोगदायिनी

त्रैलोक्यसुन्दरी रम्या सुन्दरी कामचारिणी

पद्ममाला पापहरा विचित्रा मुकुटानना

आदित्यवर्णा कौमारी मयूरवरवाहिनी

आदित्यवर्णा कौमारी मयूरवरवाहिनी

अदितिर्नियता रौद्री पद्मगर्भा विवाहना

महाफलानवद्याङ्गी कामपूरा विभावरी

कौशिकी कर्षणी रात्रिस्त्रिदशार्तिविनाशिनी

भक्तार्तिशमनी भव्या भवभावविनाशनी

यशस्विनी सामगीतिर्भवाङ्गनिलयालया

सर्वातिशायिनी विद्या सर्वसिद्धिप्रदायिनी

अकलङ्का निराधारा नित्यसिद्धा निरामया

निः सङ्कल्पा निरातङ्का विनया विनयप्रदा

महाभगवती दुर्गा वासुदेवसमुद्भवा

ज्ञानज्ञेया जरातीता वेदान्तविषया गतिः

योगमाया विभावज्ञा महामाया महीयसी

बीजाङ्कुरसमुद्भूतिर्महाशक्तिर्महामतिः

विकृतिः शांसरी शास्त्री गणगन्धर्वसेविता

महारात्रिः शिवानन्दा शची दुः स्वप्ननाशिनी

गुहाम्बिका गुणोत्पत्तिर्महापीठा मरुत्सुता

जगद्योनिर्जगन्माता जन्ममृत्युजरातिगा

तरस्विनी समाधिस्था त्रिनेत्रा दिविसंस्थिता

संसारतारिणी विद्या ब्रह्मवादिमनोलया

हिरण्मयी महारात्रिः संसारपरिवर्तिका

उन्मीलनी सर्वसहा सर्वप्रत्ययसाक्षिणी

सत्त्वशुद्धिकरी शुद्धिर्मलत्रयविनाशिनी

निराश्रया निराहारा निरङ्कुरवनोद्भवा