कूर्मपुराणम्

हिताय सर्वभूतानां जाता च तपसावयोः

कपर्दिनीं चतुर्वक्त्रां त्रिनेत्रामतिलालसाम्

निर्गुणां सगुणां साक्षात् सदसद्व्यक्तिवर्जिताम्

भीतः कृताञ्जलिस्तस्याः प्रोवाच परमेश्वरीम्

न जाने त्वामहं वत्से यथावद् ब्रूहि पृच्छते

व्याजहार महाशैलं योगिनामभयप्रदा

अनन्यामव्ययामेकां यां पश्यन्ति मुमुक्षवः

शाश्वतैश्वर्यविज्ञानमूर्तिः सर्वप्रवर्तिका

दिव्यं ददामि ते चक्षुः पश्य मे रूपमैश्वरम्

स्वं रूपं दर्शयामास दिव्यं तत् पारमेश्वरम्

ज्वालामालासहस्त्राढ्यं कालानलशतोपमम्

त्रिशूलवरहस्तं च घोररूपं भयानकम्

चन्द्रावयवलक्ष्माणं चन्द्रकोटिसमप्रभम्

दिव्यमाल्याम्बरधरं दिव्यगन्धानुलेपनम्

अण्डस्थं चाण्डबाह्यस्थं बाह्यमाभ्यन्तरं परम्

ब्रह्मोन्द्रोपेन्द्रयोगीन्द्रैर्वन्द्यमानपदाम्बुजम्

सर्वमावृत्य तिष्ठन्तं ददर्श परमेश्वरम्

भयेन च समाविष्टः स राजा हृष्टमानसः

नाम्नामष्टसहस्त्रेण तुष्टाव परमेश्वरीम्

शान्ता माहेश्वरी नित्या शाश्वती परमाक्षरा

अनादिरव्यया शुद्धा देवात्मा सर्वगाचला

महामाहेश्वरी सत्या महादेवी निरञ्जना

नन्दा सर्वात्मिका विद्या ज्योतीरूपामृताक्षरा

व्योममूर्तिर्व्योमलया व्योमाधाराच्युतामरा

क्रतुः प्रथमजा नाभिरमृतस्यात्मसंश्रया

प्राणेश्वरी प्राणरूपा प्रधानपुरुषेश्वरी

सर्वकार्यनियन्त्री च सर्वभूतेश्वरेश्वरी

आकाशयोनिर्योगस्था महायोगेश्वरेश्वरी

संसारयोनिः सकला सर्वशक्तिसमुद्भवा