कूर्मपुराणम्

प्रसादो गिरिशस्याथ वरदानं तथैव च

वरदानं तथापूर्वमन्तर्धानं पिनाकिनः

अवतारो ऽथ देवस्य ब्रह्मणो नाभिपङ्कजात्

विमोहो ब्रह्मणश्चाथ संज्ञालाभो हरेस्ततः

प्रादुर्भावो महेशस्य ललाटात् कथितस्ततः

भूतिश्च देवदेवस्य वरदानोपदेशकौ

दर्शनं देवदेवस्य नरनारीशरीरता

देव्यास्तु पश्चात् कथितं दक्षपुत्रीत्वमेव च

दर्शनं दिव्यरूपस्य वैश्वरूपस्य दर्शनम्

उपदेशो महादेव्या वरदानं तथैव च

प्राचेतसत्वं दक्षस्य दक्षयज्ञविमर्दनम्

ततश्च शापः कथितो मुनीनां मुनिपुङ्गवाः

पितामहस्योपदेशः कीर्त्यते रक्षणाय तु

हिरण्यकशिपोर्नाशो हिरण्याक्षवधस्तथा

निग्रहश्चान्धकस्याथ गाणपत्यमनुत्तमम्

बाणस्य निग्रहश्चाथ प्रसादस्तस्य शूलिनः

वसुदेवात् ततो विष्णोरुत्पत्तिः स्वेच्छया हरेः

वरलाभो महादेवं दृष्ट्वा साम्बं त्रिलोचनम्

ततश्च कथ्यते भीतिर्द्वारिवत्या निवासिनाम्

नारादागमनं चैव यात्रा चैव गरुत्मतः

नैत्यकं वासुदेवस्य शिवलिङ्गार्चनं तथा

लिङ्गार्चननिमित्तं च लिङ्गस्यापि सलिङ्गिनः

ब्रह्मविष्णोस्तथा मध्ये कीर्तितो मुनिपुङ्गवाः

संस्तवो देवदेवस्य प्रसादः परमेष्ठिनः

कीर्तिता चानिरुद्धस्य समुत्पत्तिर्द्विजोत्तमाः

अनुवशासितं च कृष्णेन वरदानं महात्मनः

कृष्णद्वैपायनस्योक्ता युगधर्माः सनातनाः

पाराशर्यस्य च मुनेर्व्यासस्याद्भुतकर्मणः

उद्वासनं च कथितं वरदानं तथैव च