कूर्मपुराणम्

चक्रवाकं प्लवं जग्घ्वा द्वादशाहमभोजनम्

उलूकं जालपादं च जग्ध्वाप्येतद् व्रतं चरेत्

जग्ध्वा चैव कटाहारमेतदेव चरेद् व्रतम्

गोमूत्रयावकाहारो मासेनैकेन शुद्ध्यति

रक्तपादांस्तथा जग्ध्वा सप्ताहं चैतदाचरेत्

भुक्त्वा मासं चरेदेतत् तत्पापस्यापनुत्तये

प्राजापत्यं चरेज्जग्ध्वा शङ्खं कुम्भीकमेव च

नालिकां तण्डुलीयं च प्राजापत्येन शुद्ध्यति

प्राजापत्येन शुद्धिः स्यात् कक्कुभाण्डस्य भक्षणे

उदुम्बरं च कामेन तप्तकृच्छ्रेण शुद्ध्यति

भुक्त्वा चैवं विधं त्वन्नं त्रिरात्रेण विशुद्ध्यति

गोमूत्रयावकाहारो मासेनैकेन शुद्ध्यति

संधिन्याश्च विवत्सायाः पिबन् क्षीरमिदं चरेत्

गोमूत्रयावकाहारः सप्तरात्रेण शुद्ध्यति

चान्द्रायणेन शुद्ध्येत ब्राह्मणस्तु समाहितः

चान्द्रायणं चरेत् सम्यक् तस्यान्नप्राशने द्विजः

अन्तावसायिनां चैव तप्तकृच्छ्रेण शुद्ध्यति

बुद्धिपूर्वं तु कृच्छ्राब्दं पुनः संस्कारमेव च

अभोज्यान्नं तु भुक्त्वा च प्राजापत्येन शुद्ध्यति

अनादिष्टेषु चैकाहं सर्वत्र तु यथार्थतः

प्राश्य मूत्रपुरीषाणि द्विजश्चान्द्रायणं चरेत्

पुनः संस्कारमर्हन्ति त्रयो वर्णा द्विजातयः

भासमण्डूककुररे विष्किरे कृच्छ्रमाचरेत्

शूद्रोच्छिष्टं द्विजो भुक्त्वा कुर्याच्चान्द्रायणव्रतम्

गोमूत्रयावकाहारः पीतशेषं च रागवान्

तदा सांतपनं प्रोक्तं व्रतं पापविशोधनम्

चरेत् सांतपनं कृच्छ्रं ब्राह्मणः पापशोधनम्

त्रिरात्रेण विशुद्ध्येत पञ्चगव्येन चैव हि

बुद्धिपूर्वं तु मूढात्मा तप्तकृच्छ्रं समाचरेत्