कूर्मपुराणम्

सह सांतपनेनास्य नान्यथा निष्कृतिः स्मृता

चाद्रायणेन शुध्येत प्रयतात्मा समाहितः

कन्यकां दूषयित्वा तु चरेच्चान्द्रायणव्रतम्

रेतः सिक्त्वा जले चैव कृच्छ्रं सान्तपनं चरेत्

गवि भथुनमासेव्य चरेच्चान्द्रायणव्रतम्

पतितां च स्त्रियं गत्वा त्रिभिः कृच्छ्रै र्विशुद्ध्यति

गत्वा चान्द्रायणं कुर्यात् तथा चर्मोपजीविनीम्

सप्तगारं चरेद् भैक्षं वसित्वा गर्दभाजिनम्

संवत्सरेण चैकेन तस्मात् पापात् प्रमुच्यते

मुच्यते ह्यवकीर्णो तु ब्राह्मणानुमते स्थितः

रेतसश्च समुत्सर्गे प्रायश्चित्तं समाचरेत्

संवत्सरं तु भुञ्जानो नक्तं भिक्षाशनः शुचिः

नदीतीरेषु तीर्थेषु तस्मात् पापाद् विमुच्यते

अकामतो वै षण्मासान् दद्यान् पञ्चशतं गवाम्

प्राजापत्यं सान्तपनं तप्तकृच्छ्रं तु वा स्वयम्

कृच्छ्रातिकृच्छ्रौ वा कुर्याच्चान्द्रायणमथावि वा

गोसहस्रार्धपादं च दद्यात् तत्पापशान्तये

हत्वा तु क्षत्रियं वैश्यं शूद्रं चैव यथाक्रमम्

वत्सरेण विशुद्ध्येत शूद्रां हत्वा द्विजोत्तमः

पराकेणाथवा शुद्धिरित्याह भगवानजः

श्वानं हत्वा द्विजः कुर्यात् षोडशांशं व्रतं ततः

कृच्छ्रं द्वादशरात्रं तु कुर्यादश्ववधे द्विजः

पलालभारं षण्डं च सैसकं चैकमाषकम्

शुकं द्विहायनं वत्सं क्रौञ्चं हत्वा त्रिहायनम्

वानरं श्येनभासौ च स्पर्शयेद् ब्राह्मणाय गाम्

अक्रव्यादान् वत्सतरीमुष्ट्रं हत्वा तु कृष्णलम्

अनस्थ्नां चैव हिंसायां प्राणायामेन शुध्यति

गुल्मवल्लीलतानां तु पुष्पितानां च वीरुधाम्

फलपुष्पोद्भवानां च घृतप्राशो विशोधनम्