कूर्मपुराणम्

राजा चैवाभिषिक्तश्च प्राणसत्रिण एव च

सद्यः शौचं समाख्यातं दुर्भिक्षे चाप्युपद्रवे

सद्यः शौचं समाख्यातं सर्पादिमरणे तथा

ब्राह्मणार्थे च संन्यस्ते सद्यः शौचं विधीयते

नाशौचं कीर्त्यते सद्भिः पतिते च तथा मृते

न चाश्रुपातपिण्डौ वा कार्यं श्राद्धादि कङ्क्वचित्

विहितं तस्य नाशौचं नाग्निर्नाप्युदकादिकम्

तस्याशौचं विधातव्यं कार्यं चैवोदकादिकम्

हिरण्यधान्यगोवासस्तिलान्नगुडसर्पिषाम्

आशौचिनां गृहाद् ग्राह्यं शुष्कान्नं चैव नित्यशः

अनाहिताग्निर्गृह्येण लौकिकेनेतरो जनः

दाहः कार्यो यथान्यायं सपिण्डैः श्रद्धयान्वितैः

दशाहं बान्धवैः सार्धं सर्वे चैवार्द्रवाससः

प्रेताय च गृहद्वारि चतुर्थे भोजयेद् द्विजान्

पूर्वं तु भोजयेद् विप्रानयुग्मान् श्रद्धया शुचीन्

अयुग्मान् भोजयेद् विप्रान् नवश्राद्धं तु तद्विदुः

एकं पवित्रमेकोर्ऽघः पिण्डपात्रं तथैव च

सपिण्डीकरणं प्रोक्तं पूर्णे संवत्सरे पुनः

प्रेतार्थं पितृपात्रेषु पात्रमासेचयेत् ततः

सपिण्डीकरणं श्राद्धं देवपूर्वं विधीयते

यस्तु कुर्यात् पृथक् पिण्डं पितृहा सो ऽभिजायते

दद्याच्चान्नं सोदकुम्भं प्रत्यहं प्रेतधर्मतः

प्रतिसंवत्सरं कार्यं विधिरेष सनातनः

पत्नी कुर्यात् सुताभावे पत्न्य भावे सहोदहः

कृत्वा दानादिकं सर्वं श्रद्धायुक्तः समाहितः

स्त्रीणां तु भर्तृशुश्रूषा धर्मो नान्य इहेष्यते

प्राप्नोति तत् परं स्थानं यदुक्तं वेदवादिभिः

दर्शेन चैव पक्षान्ते पौर्णमासेन चैव हि

पशुना त्वयनस्यान्ते समान्ते सौमिकैर्मखैः