कूर्मपुराणम्

मन्त्रब्राह्मणविच्चैव यश्च स्याद् धर्मपाठकः

ब्रह्मदेयानुसंतानो गर्भशुद्धः सहस्रदः

गुरुदेवाग्निपूजासु प्रसक्तो ज्ञानतत्परः

महादेवार्चनरतो वैष्णवः पङ्क्तिपावनः

सत्रिणो दाननिरता विज्ञेयाः पङ्क्तिपावनाः

सावित्रीजापनिरता ब्राह्मणाः पङ्क्तिपावनाः

अग्निचित्स्नातका विप्रा विज्ञेयाः पङ्क्तिपावनाः

अध्यात्मविन्मुनिर्दान्तो विज्ञेयः पङ्क्तिपावनः

श्रद्धालुः श्राद्धनिरतो ब्राह्मणः पङ्क्तिपावनः

अथर्वणो मुमुक्षुश्च ब्राह्मणः पङ्क्तिपावनः

असंबन्धी च विज्ञेयो ब्राह्मणः पङ्क्तिपावनः

अलाभे नैष्ठिकं दान्तमुपकुर्वाणकं तथा

सर्वालाभे साधकं वा गृहस्थमपि भोजयेत्

फलं वेदविदां तस्य सहस्रादतिरिच्यते

भोजयेद् हव्यकव्येषु अलाभादितरान् द्विजान्

अनुकल्पस्त्वयं ज्ञेयः सदा सद्भिरनुष्ठितः

दौहित्रं विट्पतिं बन्धुमृत्विग्याज्यौ च भोजयेत्

पैशाची दक्षिणा सा हि नैवामुत्र फलप्रदा

द्विषता हि हविर्भुक्तं भवति प्रेत्य निष्फलम्

तस्मै हव्यं न दातव्यं न हि भस्मनि हूयते

तथानृचे हविर्दत्त्वा न दाता लभते फलम्

तावतो ग्रसते प्रेत्य दीप्तान् स्थूलांस्त्वयोगुडान्

यत्रैते भुञ्जते हव्यं तद् भवेदासुर द्विजाः

स वै दुर्ब्राह्मणो नार्हः श्राद्धादिषु कदाचन

बधबन्धोपजीवी च षडेते ब्रह्मबन्धवः

वेदविक्रायिणो ह्येते श्राद्धादिषु विगर्हिताः

असमानान् याजयन्ति पतितास्ते प्रकीर्तिताः

अधीयते तथा वेदान् पतितास्ते प्रकीर्तिताः

कापालिकाः पाशुपताः पाषण्डा ये च तद्विधाः