कूर्मपुराणम्

सरस्वत्यां विशेषेण पुष्करेषु विशेषतः

वेत्रवत्यां विपाशायां गोदावर्यां विशेषतः

नदीनां चैव तीरेषु तुष्यन्ति पितरः सदा

गौधूमैश्च तिलैर्मुद्गैर्मासं प्रीणयते पितॄन्

विदार्याश्च भरण्डाश्च श्राद्धकाले प्रादपयेत्

दद्याच्छ्राद्धे प्रयत्नेन शृङ्गाटककशेरुकान्

औरभ्रेणाथ चतुरः शाकुनेनेह पञ्च तु

अष्टावेणस्य मांसेन रौरवेण नवैव तु

शशकूर्मर्योर्मांसेन मासानेकादशैव तु

वार्ध्रोणसस्य मांसेन तृप्तिर्द्वादशवार्षिकी

आनन्त्यायैव कल्पन्ते मुन्यन्नानि च सर्वशः

दद्याच्छ्राद्धे प्रयत्नेन तदस्याक्षयमुच्यते

कूष्माण्डालाबुवार्ताकान् भूस्तृणं सुरसं तथा

राजमाषांस्तथा क्षीरं माहिषं च विवर्जयेत्

वर्जयेत् सर्वयत्नेन श्राद्धकाले द्विजोत्तमः

पिण्डान्वाहार्यकं श्राद्धं कुर्यात् सौम्यमनाः शुचिः

तीर्थं तद् हव्यकव्यानां प्रदाने चातिथिः स्मृतः

व्रतिनो नियमस्थाश्च ऋतुकालाभिगामिनः

बह्वृचश्च त्रिसौपर्णस्त्रिमधुर्वाथ यो भवेत्

अथर्वशिरसो ऽध्येता रुद्राध्यायी विशेषतः

मन्त्रब्राह्मणविच्चैव यश्च स्याद् धर्मपाठकः

ब्रह्मदेयानुसंतानो गर्भशुद्धः सहस्रदः

गुरुदेवाग्निपूजासु प्रसक्तो ज्ञानतत्परः

महादेवार्चनरतो वैष्णवः पङ्क्तिपावनः

सत्रिणो दाननिरता विज्ञेयाः पङ्क्तिपावनाः

सावित्रीजापनिरता ब्राह्मणाः पङ्क्तिपावनाः

अग्निचित्स्नातका विप्रा विज्ञेयाः पङ्क्तिपावनाः

अध्यात्मविन्मुनिर्दान्तो विज्ञेयः पङ्क्तिपावनः

श्रद्धालुः श्राद्धनिरतो ब्राह्मणः पङ्क्तिपावनः