कूर्मपुराणम्

न विशिष्टानसत्कुर्यात् नात्मानं वा शपेद् बुधः

न नदीषु नदीं ब्रूयात् पर्वतेषु च पर्वतान्

नावगाहेदपो नग्नो वह्निं नातिव्रजेत् पदा

रोमाणि च रहस्यानि नाशिष्टेन सह व्रजेत्

न शिश्नोदरचापल्यं न च श्रवणयोः क्वचित्

नाभिहन्याज्जलं पद्भ्यां पाणिना वा कदाचन

न म्लेच्छभाषां शिक्षेत नाकर्षेच्च पदासनम्

कुर्याद् विमर्दनं धीमान् नाकस्मादेव निष्फलम्

न नृत्येदथवा गायेन्न वादित्राणि वादयेत्

न लौकिकैः स्तवैर्देवांस्तोषयेद् बाह्यजैरपि

नोच्छिष्टः संविशेन्नित्यं न नग्नः स्नानमाचरेत्

न दन्तैर्नखरोमाणि छिन्द्यात् सुप्तं न बोधयेत्

नैकः सुप्याच्छून्यगृहे स्वयं नोपानहौ हरेत्

न पादक्षालनं कुर्यात् पादेनैव कदाचन

वाय्वग्निगुरुविप्रान् वा सूर्यं वा शशिनं प्रति

बहिर्निष्क्रमणं चैव न कुर्वोत कथञ्चन

उभयोः संध्ययोर्नित्यं मध्याह्ने चैव वर्जयेत्

न चासनं पदा वापि न देवप्रतिमां स्पृशेत्

नावगाहेदगाधाम्बु धारयेन्नानिमित्ततः

नोत्तरेदनुपस्पृश्य नाप्सु रेतः समुत्सृजेत्

चैत्यं वृक्षं न वै छिन्द्यान्नाप्सु ष्ठीवनमाचरेत्

तुषाङ्गारकरीषं वा नाधितिष्ठेत् कदाचन

न चैनं पादतः कुर्यान्मुखेन न धमेद् बुधः

अग्नौ न च क्षिपेदग्निं नाद्भिः प्रशमयेत् तथा

अपण्यं कूटपण्यं वा विक्रये न प्रयोजयेत्

पुण्यस्थानोदकस्थाने सीमान्तं वा कृषेन्न तु

परस्परं पशून् व्यालान् पक्षिणो नावबोधयेत्

सायंप्रातर् गृहद्वारान् भिक्षार्थं नावघट्टयेत्

विगृह्य वादं कुद्वारप्रवेशं च विवर्जयेत्