कूर्मपुराणम्

तिरोहितं वाससा वा नादर्शान्तरगामिनम्

नाशुचिः सूर्यसोमादीन् ग्रहानालोकयेद् बुधः

नाभिभाषेत च परमुच्छिष्टो वावगुण्ठितः

नामुक्तबन्धनाङ्गां वा नोन्मत्तं मत्तमेव वा

क्षुवन्तीं जृम्भमाणां वा नासनस्थां यथासुखम्

न लङ्घयेच्च मूत्रं वा नाधितिष्ठेत् कदाचन

नोच्छिष्टं वा मधु घृतं न च कृष्णाजिनं हविः

न च क्रोधवशं गच्छेद् द्वेषं रागं च वर्जयेत्

ईर्ष्यां मदं तथा शोकं मोहं च परिवर्जयेत्

न हीनानुपसेवेत न च तीक्ष्णमतीन् क्वचित्

न विशिष्टानसत्कुर्यात् नात्मानं वा शपेद् बुधः

न नदीषु नदीं ब्रूयात् पर्वतेषु च पर्वतान्

नावगाहेदपो नग्नो वह्निं नातिव्रजेत् पदा

रोमाणि च रहस्यानि नाशिष्टेन सह व्रजेत्

न शिश्नोदरचापल्यं न च श्रवणयोः क्वचित्

नाभिहन्याज्जलं पद्भ्यां पाणिना वा कदाचन

न म्लेच्छभाषां शिक्षेत नाकर्षेच्च पदासनम्

कुर्याद् विमर्दनं धीमान् नाकस्मादेव निष्फलम्

न नृत्येदथवा गायेन्न वादित्राणि वादयेत्

न लौकिकैः स्तवैर्देवांस्तोषयेद् बाह्यजैरपि

नोच्छिष्टः संविशेन्नित्यं न नग्नः स्नानमाचरेत्

न दन्तैर्नखरोमाणि छिन्द्यात् सुप्तं न बोधयेत्

नैकः सुप्याच्छून्यगृहे स्वयं नोपानहौ हरेत्

न पादक्षालनं कुर्यात् पादेनैव कदाचन

वाय्वग्निगुरुविप्रान् वा सूर्यं वा शशिनं प्रति

बहिर्निष्क्रमणं चैव न कुर्वोत कथञ्चन

उभयोः संध्ययोर्नित्यं मध्याह्ने चैव वर्जयेत्

न चासनं पदा वापि न देवप्रतिमां स्पृशेत्

नावगाहेदगाधाम्बु धारयेन्नानिमित्ततः