कूर्मपुराणम्

भिक्षाहारो गुरुहितो वीक्षमाणो गुरुर्मुखम्

ब्राह्मणानां त्रिवित् सूत्रं कौशं वा वस्त्रमेव वा

अन्यथा यत् कृतं कर्म तद् भवत्ययथाकृतम्

तदेव परिधानीयं शुक्लमच्छिद्रमुत्तमम्

अभावे गव्यमजिनं रौरवं वा विधीयते

उपवीतं भवेन्नित्यं निवीतं कण्ठसज्जने

प्राचीनावीतमित्युक्तं पित्र्ये कर्मणि योजयेत्

स्वाध्याये भोजने नित्यं ब्राह्मणानां च सन्निधौ

उपवीती भवेन्नित्यं विधिरेष सनातनः

मुञ्जाभावे कुशेनाहुर्ग्रन्थिनैकेन वा त्रिभिः

यज्ञार्हवृक्षजं वाथ सौम्यमव्रणमेव च

कामाल्लोभाद् भयान्मोहात् त्यक्तेन पतितो भवेत्

स्नात्वा संतर्पयेद् देवानृषीन् पितृगणांस्तथा

अभिवादनशीलः स्यान्नित्यं वृद्धेषु धर्मतः

आयुरारोग्यसिद्ध्यर्थं तन्द्रादिपरिवर्जितः

अकारश्चास्य नाम्नो ऽन्ते वाच्यः पूर्वाक्षरः प्लुतः

नाभिवाद्यः स विदुषा यथा शूद्रस्तथैव सः

सव्येन सव्यः स्प्रष्टव्यो दक्षिणेन तु दक्षिणः

आददीत यतो ज्ञानं तं पूर्वमभिवादयेत्

एवंविधानि चान्यानि न दैवाद्येषु कर्मसु

वैश्यं क्षेमं समागम्य शूद्रमारोग्यमेव तु

वर्णज्येष्ठः पितृव्यश्च पुंसो ऽत्र गुरवः स्मृताः

श्वश्रूः पितामहीज्येष्ठा धात्री च गुरवः स्त्रियः

अनुवर्तनमेतेषां मनोवाक्कायकर्मभिः

नैतैरुपविशेत् सार्धं विवदेन्नात्मकारणात्

उदितो ऽपि गुणैरन्यैर्गुरुद्वेषी पतत्यधः

तेषामाद्यास्त्रयः श्रेष्ठास्तेषां माता सुपूजिता

ज्येष्ठो भ्राता च भर्ता च पञ्चैते गुरवः स्मृताः

पूजनीया विशेषेण पञ्चैते भूतिमिच्छता