कूर्मपुराणम्

चतुर्युगसहस्त्रं तु कल्पमाहुर्मनीषिणः

ब्रह्मणः कथितं वर्षं पराख्यं तच्छतं विदुः

तेनायं प्रोच्यते सद्भिः प्राकृतः प्रतिसंचरः

प्रोच्यते कालयोगेन पुनरेव च संभवः

कालेनैव तु सृज्यन्ते स एव ग्रसते पुनः

सर्वगत्वात् स्वतन्त्रत्वात् सर्वात्मासौ महेश्वरः

एको हि भगवानीशः कालः कविरिति श्रुति

सांप्रतं वर्तते तद्वत् तस्य कल्पो ऽयमष्टमः

वाराहो वर्तते कल्पः तस्य वक्ष्यामि विस्तरम्

शान्तवातादिकं सर्वं न प्रज्ञायत किञ्चन

तदा समभवद् ब्रह्मा सहस्त्राक्षः सहस्त्रपात्

ब्रह्मा नारायणाख्यस्तु सुष्वाप सलिले तदा

ब्रह्मस्वरूपिणं देवं जगतः प्रभवाप्ययम्

अयनं तस्य ता यस्मात् तेन नारायणः स्मृतः

शर्वर्यन्ते प्रकुरुते ब्रह्मत्वं सर्गकारणात्

अनुमानात् तदुद्धारं कर्तुकामः प्रजापतिः

अधृष्यं मनसाप्यन्यैर्वाङ्मयं ब्रह्मसंज्ञितम्

दंष्ट्रयाभ्युज्जहारैनामात्माधारो धराधरः

अस्तुवञ्जनलोकस्थाः सिद्धा ब्रह्मर्षयो हरिम्

पुरुषाय पुराणाय शाश्वताय जयाय च

नमो हिरण्यगर्भाय वेधसे परमात्मने

नारायणाय देवाय देवानां हितकारिणे

सर्वभूतात्मभूताय कूटस्थाय नमो नमः

नमो बुद्धाय शुद्धाय नमस्ते ज्ञानरूपिणे

अनन्तायाप्रमेयाय कार्याय करणाय च

नमो मूलप्रकृतये मायारूपाय ते नमः

नमो योगाधिगम्याय नमः सकर्षणाय ते

नमः सिद्धाय पूज्याय गुणत्रयविभाविने

नमो ऽमूर्ताय मूर्ताय माधवाय नमो नमः