कूर्मपुराणम्

तमेव मोचकं रुद्रमाकाशे ददृशुः परम्

सहस्रबाहुं जटिलं चन्द्रार्धकृतशेखरम्

दण्डपाणिं त्रयीनेत्रं सूर्यसोमाग्निलोचनम्

दंष्ट्राकरालं दुर्धर्षं सूर्यकोटिसमप्रभम्

नृत्यन्तं ददृशुर्देवं विश्वकर्माणमीश्वरम्

पशूनां पतिमीशानं ज्योतिषां ज्योतिरव्ययम्

कालात्मानं कालकालं देवदेवं महेश्वरम्

ज्ञानवैराग्यनिलयं ज्ञानयोगं सनातनम्

महेन्द्रोपेन्द्रनमितं महर्षिगणवन्दितम्

योगिनां हृदि तिष्ठन्तं योगमायासमावृतम्

ईश्वरेणैकतापन्नमपश्यन् ब्रह्मवादिनः

कृतार्थं मेनिरे सन्तः स्वात्मानं ब्रह्मवादिनः

महर्षिरत्रिः कपिलो मरीचिः

बद्ध्वाञ्जलिं स्वेषु शिरःसु भूयः

आनन्दपूर्णायतमानसास्ते

प्रचेतसं ब्रह्ममयं पवित्रम्

कविं परेभ्यः परमं तत्परं च

स्त्वामेव सर्वं प्रवदन्ति सन्तः

यथाविधानं सकलं ससर्ज

नृत्यन्तं स्वे हृदये सन्निविष्टम्

योगात्मानं चित्पतिं दिव्यनृत्यम्

ब्रह्मानन्दमनुभूयानुभूय

स्वयंप्रभं भवतो यत्प्रकाशम्

विशन्ति त्वां यतयो ब्रह्मनिष्ठाः

स्तेषां शान्तिः शाश्वती नेतरेषाम्

स्वयं ज्योतिरचलो नित्यमुक्तः

नमामस्त्वां शरणं संप्रपन्नाः

धातारमादित्यमनेकरूपम्

सनातनस्त्वं पुरुषोत्तमो ऽसि