कूर्मपुराणम्

निर्विकल्पं निराभासं सर्वावासं परामृतम्

निर्गुणं परमं व्योम तज्ज्ञानं सूरयो विदुः

सो ऽहं सर्वत्रगः शान्तो ज्ञानात्मा परमेश्वरः

मत्स्थानि सर्वभूतानि यस्तं वेद स वेदवित्

तयोरनादिरुद्दिष्टः कालः संयोजकः परः

तदात्मकं तदन्यत् स्यात् तद्रूपं मामकं विदुः

या सा प्रकृतिरुद्दिष्टा मोहिनी सर्वदेहिनाम्

अहङ्कारविमुक्तत्वात् प्रोच्यते पञ्चविंशकः

विज्ञानशक्तिर्विज्ञाता ह्यहङ्कारस्तदुत्थितः

स जीवः सो ऽन्तरात्मेति गीयते तत्त्वचिन्तकैः

स विज्ञानात्मकस्तस्य मनः स्यादुपकारकम्

स चाविवेकः प्रकृतौ सङ्गात् कालेन सो ऽभवत्

सर्वे कालस्य वशगा न कालः कस्यचिद् वशे

प्रोच्यते भगवान् प्राणः सर्वज्ञः पुरुषोत्तमः

मनसश्चाप्यहङ्कारमहङ्कारान्महान् परः

पुरुषाद् भगवान् प्राणस्तस्य सर्वमिदं जगत्

नास्ति मत्तः परं भूतं मां विज्ञाय विमुच्यते

ऋते मामेकमव्यक्तं व्योमरूपं महेश्वरम्

मायी मायामयो देवः कालेन सह सङ्गतः

नियोजयत्यनन्तात्मा ह्येतद् वेदानुशासनम्

माहात्म्यं देवदेवस्य येनेदं संप्रवर्तते

शक्यो हि पुरुषैर्ज्ञातुमृते भक्तिमनुत्तमाम्

मां सर्वसाक्षिणं लोको न जानाति मुनीश्वराः

सो ऽहन्धाता विधाता च कालो ऽग्निर्विश्वतोमुखः

ब्रह्मा च मनवः शक्रो ये चान्ये प्रथितौजसः

यजन्ति विविधैरग्निं ब्राह्मणा वैदिकैर्मखैः

ध्यायन्ति योगिनो देवं भूताधिपतिमीश्वरम्

सर्वदेवतनुर्भूत्वा सर्वात्मा सर्वसंस्थितः

तेषां सन्निहितो नित्यं ये भक्त्या मामुपासते