कूर्मपुराणम्

पैलं तेषां चतुर्थं च पञ्चमं मां महामुनिः

यजुर्वेदप्रवक्तारं वैशम्पायनमेव च

इतिहासपुराणानि प्रवक्तुं मामयोजयत्

चातुर्हेत्रमभूद् यस्मिंस्तेन यज्ञमथाकरोत्

औद्गात्रं सामभिश्चक्रे ब्रह्मत्वं चाप्यथर्वभिः

यजूंषि च यजुर्वेदं सामवेदं च सामभिः

शाखानां तु शतेनैव यजुर्वेदमथाकरोत्

अथर्वाणमथो वेदं बिभेद नवकेन तु

सो ऽयमेकश्चतुष्पादो वेदः पूर्वं पुरातनात्

वेदवेद्यो हि भगवान् वासुदेवः सनातनः

एतत् परतरं ब्रह्म ज्योतिरानन्दमुत्तमम्

वेदवेद्यमिमं वेत्ति वेदं वेदपरो मुनिः

स एव वेदो वेद्यश्च तमेवाश्रित्य मुच्यते

अवेदं च विजानाति पाराशर्यो महामुनिः

महादेवावताराणि कलौ शृणुत सुव्रताः

नाम्ना हिताय विप्राणामभूद् वैवस्वते ऽन्तरे

तस्य शिष्याः शिखायुक्ता वभूवुरमितप्रभाः

चत्वारस्ते महात्मानो ब्राह्मणा वेदपारगाः

लोकाक्षिरथ योगीन्द्रो जैगीषव्यस्तु सप्तमे

भृगुस्तु दशमे प्रोक्तस्तस्मादुग्रः परः स्मृतः

चतुर्दशे गौतमस्तु वेदशीर्षा ततः परम्

जटामाल्यट्टहासश्च दारुको लाङ्गली क्रमात्

सहिष्णुः सोमशर्मा च नकुलीशो ऽन्तिमे प्रभुः

तीर्थे कायावतारे स्याद् देवेशो नकुलीश्वरः

शिष्या बभूवुश्चान्येषां प्रत्येकं मुनिपुङ्गवाः

क्रमेण तान् प्रवक्ष्यामि योगिनो योगवित्तमान्

विकेशश्च विशोकश्च विशापश्शापनाशनः

सनः सनातनश्चैव मुकारश्च सनन्दनः

सुधामा विरजाश्चैव शङ्खपात्रज एव च