कूर्मपुराणम्

गर्भोदकं समुद्राश्च तस्यासन् परमात्मनः

चन्द्रादित्यौ सनक्षत्रौ सग्रहौ सह वायुना

आपो दशगुणेनैव तेजसा बाह्यतो वृताः

आकाशेनावृतो वायुः खं तु भूतादिनावृतम्

एते लोका महात्मनः सर्वतत्त्वाभिमानिनः

ईश्वरा योगधर्माणो ये चान्ये तत्त्वचिन्तकाः

एतैरावरणैरण्डं सप्तभिः प्राकृतैर्वृतम्

प्रजापतेः परा मूर्तिरितीयं वैदिकी श्रुतिः

द्वितीयं तस्य देवस्य शरीरं परमेष्ठिनः

तृतीयं भगवद्रूपं प्राहुर्वेदार्थवेदिनः

चतुर्मुखः स भगवान् जगत्सृष्टौ प्रवर्तते

सत्त्वं गुणमुपाश्रित्य विष्णुर्विश्वेश्वरः स्वयम्

तमोगुणं समाश्रित्य रुद्रः संहरते जगत्

एकधा स द्विधा चैव त्रिधा च बहुधा पुनः

नानाकृतिक्रियारूपनामवन्ति स्वलीलया

सृजते ग्रसते चैव वीक्षते च विशेषतः

गुणात्मकत्वात् त्रैकाल्ये तस्मादेकः स उच्यते

आदित्वादादिदेवो ऽसौ अजातत्वादजः स्मृतः

देवेषु च महादेवो माहदेव इति स्मृतः

वशित्वादप्यवश्यत्वादीश्वरः परिभाषितः

अनुत्पादाच्च पूर्वत्वात् स्वयंभूरिति स स्मृतः

हरः संसारहरणाद् विभुत्वाद् विष्णुरुच्यते

सर्वज्ञः सर्वविज्ञानात् सर्वः सर्वमयो यतः

तारणात् सर्वदुः खानां तारकः परिगीयते

अनेकभेदभिन्नस्तु क्रीडते परमेश्वरः

अबुद्धिपूर्वको विप्रा ब्राह्मीं सृष्टिं निबोधत

न शक्यते समाख्यातुं बहुवर्षैरपि स्वयम्

स एव स्यात् परः कालः तदन्ते प्रतिसृज्यते

तत् पराख्यं तदर्धं च परार्धमभिदीयते