कूर्मपुराणम्

नदी नानाविधैः पद्मैरनेकैः समलङ्कृता

उपस्पृष्टजला नित्यं सुपुण्या सुमनोरमा

देवर्षिगणजुष्टानि तथा नारायणस्य च

स्फाटिकस्तम्भसंयुक्तं हेमगोपुरसंयुतम्

सुपुण्यं भवनं रम्यं सर्वरत्नोपशोभितम्

आस्ते सर्वामरश्रेष्ठः पूज्यमानः सनातनः

स्थानानामष्टकं पुण्यं दुराधर्षं सुरद्विषाम्

सप्ताश्रमाणि पुण्यानि सिद्धावासयुतानि तु

सुपुण्यं सुमहत् स्थानं ब्रह्मणो ऽव्यक्तजन्मनः

उपासते सदा देवं पितामहमजं परम्

आस्ते हिताय लोकानां शान्तानां परमा गतिः

स्वच्छामृतजलं पुण्यं सुगन्धं सुमहत् सरः

प्रशान्तदोषैरक्षुद्रैर्ब्रह्मविद्भिर्महात्मभिः

सुमना वेदनादश्च शिष्यास्तस्य प्रधानतः

उपासते महावीर्या ब्रह्मविद्यापरायणाः

सान्निध्यं कुरुते भूयो देव्या सह महेश्वरः

मुनीनां युक्तमनसां सरांसि सरितस्तथा

ब्रह्मण्यासक्तमनसो रमन्ते ज्ञानतत्पराः

धायायन्ति देवमीशानं येन सर्वमिदं ततम्

तत्रास्ते भगवानिन्द्रः शच्या सह सुरेश्वरः

आस्ते भगवती दुर्गा तत्र साक्षान्महेश्वरी

पीत्वा योगामृतं लब्ध्वा साक्षादानन्दमैश्वरम्

राक्षसानां पुराणि स्युः सरांसि शतशो द्विजाः

स्फाटिकस्तम्भसंयुक्तं यक्षाणाममितौजसाम्

प्राकारगोपुरोपेतं मणितोरणमण्डितम्

ध्यात्वास्ते तत् परं ज्योतिरात्मानं विष्णुमव्ययम्

श्रीदेव्याः सर्वरत्नाढ्यं हैमं सुमणितोरणम्

अनन्तविभवा लक्ष्मीर्जगत्संमोहनोत्सुका

विचिन्त्य जगतोयोनिं स्वशक्तिकिरणोज्ज्वला