कूर्मपुराणम्

शिग्रुः स्वशिल्पापि तथा पारियात्राश्रयाः स्मृताः

मन्दाकिनी चित्रकूटा तामसी च पिशाचिका

ऋक्षवत्पादजा नद्यः सर्वपापहरा नृणाम्

वेण्या वैतरणी चैव बलाका च कुमुद्वती

विन्ध्यपादप्रसूतास्ता नद्यः पुण्यजलाः शुभाः

दक्षिणापथगा नद्यः सह्यपादविनिः सृताः

मलयान्निः सृता नद्यः सर्वाः शीतजलाः स्मृताः

शुक्तिमत्पादसंजाताः सर्वपापहरा नृणाम्

सर्वपापहराः पुण्याः स्नानदानादिकर्मसु

पूर्वदेशादिकाश्चैव कामरूपनिवासिनः

तथापरान्ताः सौराष्ट्राः शूद्राभीरास्तथार्ऽबुदाः

सौवीराः सैन्धवा हूणा शाल्वाः कल्पनिवासिनः

आसां पिबन्ति सलिलं वसन्ति सरितां सदा

कृतं त्रेता द्वापरं च कलिश्चान्यत्र न क्वचित्

न तेषु शोको नायासो नोद्वेगः क्षुद्भयं न च

रमन्ति विविधैर्भावैः सर्वाश्च स्थिरयौवनाः

स्फाटिकं देवदेवस्य विमानं परमेष्ठिनः

देवाः सिद्धगणा यक्षाः पूजां नित्यं प्रकुर्वते

भूतैः परिवृतो नित्यं भाति तत्र पिनाकधृक्

तत्रापि देवदेवस्य भवस्यायतनं महत्

नदी नानाविधैः पद्मैरनेकैः समलङ्कृता

उपस्पृष्टजला नित्यं सुपुण्या सुमनोरमा

देवर्षिगणजुष्टानि तथा नारायणस्य च

स्फाटिकस्तम्भसंयुक्तं हेमगोपुरसंयुतम्

सुपुण्यं भवनं रम्यं सर्वरत्नोपशोभितम्

आस्ते सर्वामरश्रेष्ठः पूज्यमानः सनातनः

स्थानानामष्टकं पुण्यं दुराधर्षं सुरद्विषाम्

सप्ताश्रमाणि पुण्यानि सिद्धावासयुतानि तु

सुपुण्यं सुमहत् स्थानं ब्रह्मणो ऽव्यक्तजन्मनः