कूर्मपुराणम्

तत्पानात् सुस्थमनसां नराणां तत्र जायते

जाम्बूनदाख्यं भवति सुवर्णं सिद्धभूषणम्

वर्षे द्वे तु मुनिश्रेष्ठास्तयोर्मध्ये इलावृतम्

वैभ्राजं पश्चिमे विद्यादुत्तरे सवितुर्वनम्

सरांस्येतानि चत्वारि देवयोग्यानि सर्वदा

वैकङ्को मणिशैलश्च ऋक्षवांश्चाचलोत्तमाः

इत्येते देवरचिताः सिद्धावासाः प्रकीर्तिताः

त्रिकूटशिखरश्चैव पतङ्गो रुचकस्तथा

समूलो वसुधारश्च कुरवश्चैव सानुमान्

एकशृङ्गो महाशैलो गजशैलः पिशाचकः

इत्येते देवचरिता उत्कटाः पर्वतोत्तमाः

शिखिवासश्च वैदूर्यः कपिलो गन्धमादनः

सुपार्श्वश्च सुपक्षश्च कङ्कः कपिल एव च

अञ्जनो मधुमांस्तद्वत् कुमुदो मुकुटस्तथा

पारिजातो महाशैलस्तथैव कपिलोदकः

एते पर्वतराजानः सिद्धगन्धर्वसेविताः

शङ्खकूटो ऽथ वृषभो हंसो नागस्तथा परः

मयूरः कपिलश्चैव महाकपिल एव च

सरसो मानसस्येह उत्तरे केसराचलाः

सन्ति चैवान्तरद्रोण्यः सरांसि च वनानि च

प्रसन्नाः शान्तरजसः सर्वदुः खविवर्जिताः

मेरोरुपरि विख्याता देवदेवस्य वेधसः

उपास्यमानो योगीन्द्रैर्मुनीन्द्रोपेन्द्रशङ्करैः

सनत्कुमारो भगवानुपास्ते नित्यमेव हि

समास्ते योगयुक्तत्मा पीत्वा तत्परमामृतम्

दीप्तमायतनं शुभ्रं पुरस्ताद् ब्रह्मणः स्थितम्

महर्षिगणसंकीर्णं ब्रह्मविद्भिर्निषेवितम्

रमते तत्र विश्वेशः प्रमथैः प्रमथेश्वरः

पूजयन्ति महादेवं तापसाः सत्यवादिनः