कूर्मपुराणम्

नमो मुक्ताट्टहासाय भीमाय च नमो नमः

नमो भैरववेषाय हराय च निषङ्गिणे

नमो ऽम्बिकाधिपतये पशूनां पतये नमः

नरनारीशरीराय सांख्ययोगप्रवर्तिने

कुमारगुरवे तुभ्यं देवदेवाय ते नमः

मृगव्याधाय महते ब्रह्माधिपतये नमः

योगिने योगगम्याय योगमायाय ते नमः

कपालिने नमस्तुभ्यं ज्योतिषां पतये नमः

मह्यं सर्वात्मना कामान् प्रयच्छ परमेश्वर

पपात पादयोर्विप्रा देवदेव्योः स दण्डवत्

बभाषे मधुरं वाक्यं मेघगम्भीरनिः स्वनः

त्वमेव दाता सर्वेषां कामानां कामिनामिह

नानवाप्तं त्वया तात विद्यते पुरुषोत्तम

महादेवं महायोगं स्वेन योगेन केशव

उवाच वीक्ष्य विश्वेशं देवीं च हिमशैलजाम्

इच्छाम्यात्मसमं पुत्रं त्वद्भक्तं देहि शङ्कर

देवीमालोक्य गिरिजां केशवं परिषस्वजे

व्याजहार हृषीकेशं देवी हिमगिरीन्द्रजा

अनन्यामीश्वरे भक्तिमात्मन्यपि च केशव

प्रार्थितो दैवतैः पूर्वं संजातो दैवकीसुतः

नावयोर्विद्यते भेद एवं पश्यन्ति सूरयः

ईश्वरे निश्चलां भक्तिमात्मन्यपि परं बलम्

आशिषं शिरसाहृङ्णाद् देवो ऽप्याह महेश्वरः

र् जगाम कैलासगिरिं गिरीशः

रराम भगवान् सोमः केशवेन महेश्वरः

पूजयाञ्चक्रिरे कृष्णं देवदेवमथाच्युतम्

किरीटिनं शार्ङ्गपाणि श्रीवत्साङ्कितवक्षसम्

दधानमुरसा मालां वैजयन्तीमनुत्तमाम्

पद्माङ्घ्रिनयनं चारु सुस्मितं सुगतिप्रदम्