कूर्मपुराणम्

एवं साधनसाध्यत्वं चातुर्विध्ये प्रदर्शितम्

माहात्म्यं चानुतिष्ठेत स चानन्त्याय कल्पते

धर्मात् संजायते सर्वमित्याहुर्ब्रह्मवादिनः

अनादिनिधना शक्तिः सैषा ब्राह्मी द्विजोत्तमाः

तस्माज्ज्ञानेन सहितं कर्मयोगं समाचरेत्

ज्ञानपूर्वं निवृत्तं स्यात् प्रवृत्तं यदतो ऽन्यथा

तस्मान्निवृत्तं संसेव्यमन्यथा संसरेत् पुनः

आर्जवं चानसूया च तीर्थानुसरणं तथा

देवताभ्यर्चनं पूजा ब्राह्मणानां विशेषतः

सामासिकमिमं धर्मं चातुर्वर्ण्ये ऽब्रवीन्मनुः

स्थानमैन्द्रं क्षत्रियाणां संग्रामेष्वपलायिनाम्

गान्धर्वं शूद्रजातीनां परिचारेण वर्तताम्

स्मृतं तेषां तु यत्स्थानं तदेव गुरुवासिनाम्

प्राजापत्यं गृहस्थानां स्थानमुक्तं स्वयंभुवा

हैरण्यगर्भं तत् स्थानं यस्मान्नावर्तते पुनः

आनन्दमैश्वरं धाम सा काष्ठा सा परागतिः

चत्वारो ह्याश्रमाः प्रोक्ता योगिनामेक उच्यते

य आस्ते निश्चलो योगी स संन्यासी न पञ्चमः

ब्रह्मचार्युपकुर्वाणो नैष्ठिको ब्रह्मतत्परः

उपकुर्वाणको ज्ञेयो नैष्ठिको मरणान्तिकः

कुटुम्बभरणे यत्तः साधको ऽसौ गृही भवेत्

एकाकी यस्तु विचरेदुदासीनः स मौक्षिकः

स्वाध्याये चैव निरतो वनस्थस्तापसो मतः

सांन्यासिकः स विज्ञेयो वानप्रस्थाश्रमे स्थितः

ज्ञानाय वर्तते भिक्षुः प्रोच्यते पारमेष्ठिकः

सम्यग् दर्शनसंपन्नः स योगी भिक्षुरुच्यते

कर्मसन्यासिनः केचित् त्रिविधाः परामेष्ठिकाः

तृतीयोत्याश्रमी प्रोक्ती योगमुत्तममास्थितः

तृतीये चान्तिमा प्रोक्ता भावना पारमेश्वरी