गरुडपुराणम्

एवं यः कुरुते रुद्र ! चक्रस्यार्चनमुत्तमम् 33.

एतत्स्तोत्रं जपेत्पश्चात्सर्वव्याधिविनाशनम् 33.

ज्वालामालाप्रदीप्ताय सहस्राराय चक्षुषे 33.

सुचक्राय विचक्राय सर्वमन्त्रविभेदिने 33.

पालनार्थाय लोकानां दुष्टासुरविनाशिने 33.

नमश्चक्षुः स्वरूपाय संसारभयभेदिने 33.

ग्रहातिग्रहरूपाय ग्रहाणां पतये नमः 33.

भक्तानुग्रहदात्रे च भक्तगोप्त्रे नमोनमः 33.

विष्णुशस्त्राय चक्राय नमो भूयो नमोनमः 33.

यः पठेत्परया भक्त्या विष्णुलोकं स गच्छति स पापं भस्मसात्कृत्वा विष्णुलोकाय कल्पते ।। 33.

इति श्रीगारुडे महापुराणे पूर्वखण्डे प्रथमांशाख्ये आचारकाण्डे सुदर्शनपूजाविधिर्नाम त्रयस्त्रिंशोऽध्यायः

पुनर्देवार्चनं ब्रूहि हृषीकेश गदाधर 34.

हरिरुवाच तच्छृणुष्व जगन्नाथो येन विष्णुः प्रतुष्यति ।। 34.

मूलमन्त्रं महादेव हयग्रीवस्य वाचकम् 34.

ॐ सौं क्षौं शिरसे नमः इति प्रणवसंयुतः 34.

अस्याङ्गानि महादेव ताञ्छृणुष्व वृषध्वज ॐ क्षीं शिरसे स्वाहाशिरः प्रोक्तं क्षूं वषट् तथा ।। 34.

ॐ कारयुक्ता देवस्य शिखा ज्ञेया वृषध्वज 34.

ॐ क्षौं नेत्रत्रयाय वौषट्‌ नेत्रं देवस्य कीर्तितम् 34.

पूजाविधिं प्रवक्ष्यामि तन्मे निगदतः श्रृणु आदौ स्नात्वा तथाचम्य ततो यागगृहं व्रजेत् ।। 34.

ततः प्रविश्य विधिवत्कुर्य्याद्वं शोषणादिकम् 34.

अण्डमुत्पाद्य च ततः ॐ कारेणैव भेदयेत् 34.

शङ्खकुन्देन्दुधवलं मृणालरजतप्रभम् शङ्खं चक्रं गदां पद्मं धारयन्तं चतुर्भुजम् ।। 34.

किरीटिनं कुण्डलिनं वनमालासमंन्वितम् 34.

भावयित्वा महात्मानं सर्वदेवैः समन्वितम् 34.

ततश्च दर्शयेन्मुद्रां शङ्खपद्मादिकां शुभाम् 34.

ततश्चावाहयेद्रुद्र देवता आसनस्य याः 34.

आवाह्य मण्डले तास्तु पूजयेत्स्वस्तिकादिके 34.

समस्तपरिवाराय अच्युताय नम इति 34.

यमुनां च महादेवीं शङ्खपद्मनिधई तथा 34.