गरुडपुराणम्

ॐ श्रां हृदयाय नमः ॐ श्रू शिखायै वषटू ॐ श्रौं नेत्रत्रयाय वौषट्‌ 30.

दर्शयेदात्मनो मुद्रां शङ्खचक्रगदादिकाम् 30.

ततस्तं पूजयेद्देवं मण्डले स्वस्तिकादिके एभिर्मन्त्रैर्महादेव तान्मत्राञ्छृणु शङ्कर ।। 30.

ॐ श्रीधरासनदेवताः आगच्छता 30.

ॐ धात्रे नमः ॐ गङ्गायै नमः ॐ आधारशक्तयै नमः ॐ अनन्ताय नमः ॐ धर्म्माय नमः ॐ वैराग्याय नमः ॐ अधर्म्माय नमः ॐ अवैराग्याय नमः ॐ कन्दाय नमः ॐ पद्माय नमः ॐ उत्कर्षिण्यै नमः ॐ क्रियायै नमः ॐ प्रह्व्यै नमः ॐ ईशानायै नमः 30.

अर्चयित्वा समं रुद्र हरिमावाह्य संयजेत् 30.

ॐ ह्रीं श्रीधराय त्रैलोक्यमोहनाय विष्णवे नमः आगच्छ ।। 30.

ॐ श्रियै नमः ॐ श्रीं शिरसे नमः ॐ श्रैं कवचाय नमः ॐ श्रः अस्त्राय नमः ॐ पद्माय नमः ॐ गदायै नमः ॐ कौस्तुभ्यै नमः ॐ पीताम्बराय नमः ॐ नारदाय नमः ॐ इन्द्राय नमः ॐ यमाय नमः ॐ वरुणाय नमः ॐ सोमाय नमः ॐ अनन्ताय नमः ॐ सत्त्वाय नमः ॐ तमसे नमः 30.

अभिषेकं तथा वस्त्रं ततो यज्ञोपवीतकम् 30.

दद्यादेभिर्महामन्त्रैः समप्यार्थ जपेन्मनुम् 30.

ततो मुहूर्त्तमेकन्तुध्यायेद्देवं हृदि स्थितम् 30.

प्रसन्नवदनं सौम्यं स्फुरन्मकरकुण्डलम् 30.

परब्रह्मस्वरूपं च श्रीधरं चिन्तयेत्सुधीः 30.

श्रीनिवासाय देवाय नमः श्रीपतये नमः 30.

श्रीवल्लभाय शान्ताय श्रीमते च नमोनमः 30.

श्रेयसां पतये चैव ह्याश्रमाय नमोनमः 30.

शरण्याय वरेण्याय नमो भूयो नमोनमः 30.

इति रुद्रं समाख्यातां पूजां विष्णोर्महात्मनः 30.

यः पठतेऽध्यायं विष्णुपूजाप्रकाशकम् 30.

इति श्रीगारुडे महापुराणे पूर्वखण्डे प्रथमांशाख्ये आचारकाण्डे श्रीधरा (विष्ण्व) र्चनविधिर्नाम त्रिंशोऽध्यायः

भूय एवं जगन्नाथ पूजां कथय मे प्रभो 31.

अर्च्चनं विष्णुदेवस्य वक्ष्यामि वृषभध्वज 31.

कृत्वा स्नानं ततः सन्ध्यां ततो यागगृहं व्रजेत् 31.

मूलमन्त्रं समस्तं तु हस्तयोर्व्यापकं न्यसेत् 31.

ॐ श्रीं ह्रीं श्रीधराय विष्णवे नमः 31.

सर्वव्याधिहरश्चैव सर्वग्रहहरस्तथा 31.

अङ्गन्यासं ततः कुय्यांदेभिर्मन्त्रौर्विचक्षणः ॐ हीं शिरसे स्वाहा ॐ हैं कवचाय हुं ॐ हः अस्त्राय फट्‌ ।। 31.

इति मन्त्रः समाख्यातो मया ते प्रभविष्णुना 31.

ततो ध्यायेत्परं विष्णु ह्रृत्कोटरसमाश्रितम् 31.