भुवनाधिपतिश्चैव भुवनानां नियामकः 15.
परमानन्दरूपी च धर्म्माणां च प्रवर्त्तकः 15.
प्रत्याहारो धारकश्च प्रत्याहारकरस्तथा 15.
अग्राहश्चैव गौरश्च सर्वः शुचिरभिष्टुतः 15.
पक्ता नन्दयिता भोक्ता बोद्धा भावयिता तथा 15.
नदी नन्दी च नन्दीशो भारतस्तरुनाशनः 15.
ईशश्च सर्वदेवानां द्वारकासंस्थितस्तथा 15.
भरतो जनको जन्यः सर्वाकारवि वर्जितः 15.
इति नामसहस्त्रं ते वृषभध्वज कीर्त्तितम् 15.
पठन्द्विजश्च विष्णुत्वं क्षत्रियो जयमाप्नुयात् 15.
पुनर्ध्यानं समाचक्ष्व शंखचक्रगदाधर 16.
हरिरुवाच दृशिरूपमनन्तं च सर्वव्याप्यजमव्ययम् ।। 16.
अक्षरं सर्वगं नित्यं महद्ब्रह्मास्ति केवलम् 16.
सर्वभूतहृदिस्थं वै सर्वभूतमहेश्वरम् 16.
अलेपकं तथा मुक्तं मुक्तयोगिविचिन्तितम् 16.
वागिन्द्रियविहीनं च प्राणिधर्म्मविवर्जितम् पायूपस्थविहीनं च सर्वैंन्द्रिय विवर्जितम् ।। 16.
मनोविरहितं तद्वन्मनोधर्म्मविवर्जितम् 16.
अहंकारविहीनं वै बुद्धिधर्म्मविवर्जितम् 16.
व्यानाख्यवायुहीनं वै प्राणधर्म्मविवर्जितम् पुनः सूर्य्यर्च्चनं वक्ष्ये यदुक्तं भृगवे पुरा ।। 16.
ॐ खखोल्काय नमः 16.
ॐ खखोल्काय त्रिदशाय नमः ॐ ज्ञानिने ठठ शिखायै नमः 16.
ॐ सर्वतेजोऽधिपतये ठठ अस्त्राय नमः 16.
अग्निप्राकारमन्त्रोऽयं सूर्य्यस्याघविनाशनः 16.
सकलीकरणं कुर्य्याद्गायत्र्या भास्करस्य च 16.
दण्डनायकाय ततो दैवतायेति चोत्तरे 16.
वज्रपाणिं च नैर्ऋत्यां भूर्भुवःस्वश्च वायवे ॐ अंगारकाय क्षितिसुताय नमः ॐ वागीश्वराय सर्वविद्याधिपतये नमः ॐ शनैश्चराय सूर्य्यात्मजाय नमः ॐ केतवे नमः ।। 16.
पूर्वादीशानपर्य्यन्ता एते पूज्या वृषध्वज ॐ प्रथमनाथाय नमः 16.
ॐ भगवन्नपरिमितमयूखमालिन् ! सकलजगत्पते ! सप्ताश्ववाहन ! चतुर्भुज ! परमसिद्धिप्रद ! विस्फुलिंगपिंगल ! तत एह्येहि इदमर्घ्यं मम शिरसि गतं गृह्णगृह्ण तेजोग्ररूपम् अनग्न ! ज्वलज्वल ठठ नमः ।। 16.
अनेनावाह्य मन्त्रेण ततः सूर्य्यं विसर्जयेत् 16.
पुनः सूर्य्यार्चनं वक्ष्ये यदुक्तं धनदाय हि 17.