अपारः परमार्थश्च पराणां च परः प्रभुः 15.
शुद्धः प्रकाशरूपश्च पवित्रः परिरक्षकः 15.
प्रधानं पृथिवीपद्मं पद्मनाभः प्रियप्रदः 15.
सर्वस्य जगतो धाम सर्वदर्शो च सर्वभृत् 15.
सर्वपूज्यश्च सर्वाद्यः सर्वदेवनमस्कृतः 15.
सर्वगोप्ता सर्वनिष्ठः सर्वकारणकारणम् 15.
सर्वाध्यक्षः सुराऽध्यक्ष सुरासुरनमस्कृतः 15.
सत्यपालश्च सन्नाभः सिद्धेशः सिद्धवन्दितः 15.
शरणं जगतश्चैव श्रेयः क्षेमस्तथैव च 15.
सत्यस्थः सत्यसङ्कल्पः सत्यवित्सत्य (त्प) दस्तथ 15.
कर्म्मकर्त्ता च कर्मैव क्रिया कार्य्यं तथैव च 15.
सदेवानां पतिश्चैव वृष्णीनां पतिरीडितः 15.
पशूनां च पतिः प्रायो वसूनां पतिरेव च 15.
वनस्पतीनां च पतिरनिलस्य पतिस्तथा 15.
कुबेरस्य पतिश्चैव नक्षत्राणां पतिस्तथा 15.
नागानां पतिरर्कस्य दक्षस्य पतिरेव च 15.
गन्धर्वाणां पतिश्चैव असूनां पतिरुत्तमः 15.
सुराणां च पतिः श्रेष्ठः कपिलस्य पतिस्तथा 15.
मुनीनां च पतिश्चैव सूर्य्यस्य पतिरुत्तमः 15.
ग्रहाणां च पतिश्चैव राक्षसानां पतिस्तथा 15.
सरितां च पतिश्चैव समुद्राणां पतिस्तथा 15.
वेतालानां पतिश्चैव कूष्माण्डानां पतिस्तथा 15.
महात्मा मंगलो मेयो मन्दरो मन्दरेश्वरः 15.
मालाधरो महादेवो महादेवेन पूजितः 15.
महावीर्य्यो महाप्राणो मार्कण्डेयर्षिवन्दितः 15.
मुनिस्तुतो मुनिर्मैत्रो महाना (रा) सो महाहनुः 15.
महावक्त्रो महात्मा च महाकायो महोदरः 15.
महागतिर्महाकीर्त्तिर्महारूपो महासुरः 15.
मखेज्यो मखरूपी च माननीयो मखेश्वरः 15.
मानवश्च मनुश्चैव मानवानां प्रियंकरः 15.