गरुडपुराणम्

ईषेत्वेतिहि मन्त्रेण दक्षिणस्यां द्वितीयकम् 48.

शन्नोदेवीति मन्त्रेण उत्तरस्यां चतुर्थकम् 48.

याम्यां वै कृष्णरूपा तु नैर्ऋत्या श्यामला (धूसरा) भवेत् 48.

उत्तरे रक्तवर्णा तु शुक्लैशी च पताकिका 48.

आग्निं संसुप्तिमन्त्रेण यमोनागेति दक्षिणे 48.

वात इत्यभिषिच्याथ आप्यायस्वेति चोत्तरे 48.

कलशौ तु ततो द्वौ द्वौ निवेश्यौ तोरणान्तिके 48.

पुष्पैर्वितानैर्बहुलैरादिवर्णाभिमन्त्रिताः 48.

त्रातारमिन्द्रभन्त्रेण अग्निर्मूर्द्धेति चापरे 48.

किञ्चेदधातु आचत्वाऽभित्वादेति च सप्तमी 48.

होमद्रव्याणि वायव्ये कुर्य्यात्सोपस्कराणि च 48.

आलोकनेन द्रव्याणि शुद्धिं यान्ति न संशयः 48.

अस्त्रं चैव समस्तानां न्यासोऽयं सर्वकामिकः 48.

विष्टरेण स्पृशेद्दुव्यान्यागमण्डपसंभृतान् 48.

शाक्रीं दिशमथारभ्य यावदीशानगोचरम् 48.

गन्धाद्यैरर्घ्यपात्रे च मन्त्रग्रामं न्यसेद्गुरुः 48.

प्रतिष्ठा यस्य देवस्य तदाख्यं कलशं न्यसेत् 48.

कलशं वर्द्धनीं चैव ग्रहान्वास्तोष्पतिं तथा 48.

सूत्रग्रीवं रत्नगर्भं वस्त्रयुग्मेन वेष्टितम् 48.

देवस्तु कलशे पूज्यो वर्द्धन्या वस्त्रमुत्तमम् 48.

वर्द्धनीधारया सिञ्चन्नग्रतो धारयेत्ततः 48.

घटं चावाह्य वायव्यां गणानां त्वेति सद्गणम् 48.

वास्तोष्पतीति मन्त्रेण वास्तुदोषोपशान्तये 48.

पठेदिति च विद्याश्च कुर्य्यादालम्भनं बुधः 48.

ऋत्विग्भिः सार्द्धमाचार्यः स्नानपीठे गुरुस्तदा 48.

कृत्वा ब्रह्मरथे देवं प्रतिष्ठन्ति ततो द्विजाः 48.

भद्रंकर्णेत्यथ स्नात्वा सूत्रवल्कलजेन तु 48.

मधुसर्पिः समायुक्तं कांस्ये वा ताम्रभाजने 48.

अग्निर्ज्योतीति मन्त्रेण नेत्रोद्वाटं तु कारयेत् 48.