पक्वबिंबविनिंद्याच्छ चार्वोष्ठपुटमुत्तमम्
सुचारुवक्त्रनयनं सकटाक्षं मनोहरम्
बृहच्छ्रोणिं सुकठिनां रंभास्तंभविनिंदिताम्
रत्नपादुक संयुक्तं कुंकुमाक्तं सयावकम्
सुरसिद्धमुनींद्रैश्च दत्तार्घसंयुतं सदा 9.12.
मुक्तिप्रदं मुमुक्षूणां कामिनां सर्वभोगदम्
श्रीविष्णोः पददात्रीं च भजे विष्णुपदीं सतीम्
दत्त्वा संपूजयेद्ब्रह्मन्नुपचाराणि षोडश
धूपदीपं च नैवेद्यं तांबूलं शीतलं जलम्
मनोहरं सुतल्पं च देयान्येतानि षोडश
संपूज्यैवं प्रकारेण सोऽश्वमेधफलं लभेत् श्रोतुमिच्छामि देवेश लक्ष्मीकांत जगत्पते
विष्णोर्विष्णुपदीस्तोत्रं पापघ्नं पुण्यकारकम् शृणु नारद वक्ष्यामि पापघ्नं पुण्यकारकम्
शिवसंगीतसंमुग्ध श्रीकृष्णांगसमुद्भवाम्
यज्जन्म सृष्टेरादौ च गोलोके रासमंडले
गोपैर्गोपीभिराकीर्णे शुभे राधामहोत्सवे 9.12.
कोटियोजन विस्तीर्णा दैर्घ्ये लक्षगुणा ततः
षष्टिलक्षयोजना या ततो दैर्घ्ये चतुर्गुणा
त्रिंशल्लक्षयोजना या दैर्घ्ये पंचगुणा ततः
त्रिंशल्लक्षयोजना या दैर्घ्ये चतुर्गुणा ततः
लक्षयोजनविस्तीर्णा दैर्घ्ये सप्तगुणा ततः
लक्षयोजनविस्तीर्णा दैर्घ्ये पंचगुणा ततः
षष्टिसहस्रयोजना या दैर्घ्ये दशगुणा ततः
लक्षयोजनविस्तीर्णा दैर्घ्ये पंचगुणा ततः
सहस्र योजनायामा दैर्घ्ये दशगुणा ततः
दशलक्षयोजना या दैर्घ्ये पंचगुणा ततः 9.12.
सहस्रयोजनायामा दैर्घ्ये शतगुणा ततः
शतयोजनविस्तीर्णा दैर्घ्ये दशगुणा ततः
पाताले भोगवती चैव विस्तीर्णा दशयोजना
क्रोशैकमात्रविस्तीर्णा ततः क्षीणा च कुत्रचित्
सत्ये या क्षीरवर्णा च त्रेतायामिंदुसन्निभा