श्रीनारायण उवाच पुनराजग्मू राधायाः प्रधानद्वारमेव च
सद्रत्नमणिनिर्माणं वेदिकायुग्मसंयुतम्
अमूल्यरत्नरचितकपाटेन विभूषितम्
रत्नसिंहासनस्थं च रत्नाभरणभूषितम्
द्वारं चित्रविचित्रेण विचित्रं परमाद्भुतम्
तानुवाच द्वारपालो निःशंकं त्रिदशेश्वरान्
किंकरान्प्रेषयामास श्रीकृष्णस्थानमेव च
द्वारे नियुक्तं ददृशुश्चंद्रभानुं च नारद
रत्नसिंहासनस्थं च रत्नभूषणभूषितम् 4.5.
तं संभाष्य ययुर्देवास्तृतीयं द्वारमुत्तमम्
द्वारे नियुक्तं ददृशुः सूर्यभानुं च नारद
मणिकुण्डलयुग्मेन कपोलस्थलराजितम्
नवलक्षेण गोपानां वेष्टितं च नृपेंद्रवत्
तेभ्यो विलक्षणं रम्यं सुदीप्तं मणितेजसा
द्वारे नियुक्तं ददृशुर्वसुभानुं व्रजेश्वरम्
रत्नसिंहासनस्थं च रत्नभूषणभूषितम्
तं संभाष्य ययुर्देवा पञ्चमं द्वारमेव च
द्वारपालं च ददृशुर्देवभानुं च तत्र वै
मयूरपिच्छचूडं च रत्नमालाविभूषितम् 4.5.
चंदनागरुकस्तूरीकुङ्कुमद्रवचर्चितम्
तं वेत्रपाणिं संभाष्य ययुर्देवा मुदाऽन्विताः
वज्रभित्तियुग्मयुक्ते पुष्पमाल्यविभूषिते
नानालंकारशोभाढ्यं दशलक्षप्रजान्वितम्
तूर्णं सुरास्तं सभाष्य ययुर्द्वारं च सप्तमम्
द्वारे नियुक्तं ददृशू रत्नभानुं हरेः प्रियम् भूषितं भूषणै रम्यैर्मणिरत्नमनोहरैः
गोपैर्द्वादशलक्षैश्च राजेंद्रमिव राजितम्
तं वेत्रहस्तं संभाष्य जग्मुर्देवेश्वरा मुदा
दौवारिकं ते ददृशुः सुपार्श्वं सुमनोहरम्
बन्धुजीवाधरोष्ठं च रत्नकुण्डलमंडितम् 4.5.
गोपैर्द्वादशलक्षैश्च किशोरैश्च समन्वितम्