सर्वानिर्वचनीयं च पंडितैर्न निरूपितम्
शतमंदिरसंयुक्तं ज्वलितं रत्नतेजसा
दुर्लंघ्याभिर्गभीराभिः परिखाभिः सुशोभितम्
सुमूल्यरत्नखचितप्राकारैः परिवेष्टितम्
संयुक्तरत्नचित्रैश्च विचित्रैर्वर्तुलं मुने
सर्वतोऽपि ततस्तत्र षोडशद्वारसंयुतम्
सद्रत्नक्षुद्रकलशसमूहैः सुमनोहरैः
ततः प्रदक्षिणीकृत्य कियद्दूरं ययुर्मुदा
गोपानां गोपिकानां च ददृशुश्चाश्रमान्परान्
दर्शंदर्शं च परितो गोपानां सर्वमाश्रमम्
गोलोकं निखिलं दृष्ट्वा पुलकांगं ययुः सुराः
ददृशुः शतशृंगं च तद्बहिर्विरजानदीम्
वाय्वाधारं च गोलोकं सद्रत्नमयमद्भुतम्
युक्तं सहस्रैः सरसां केवलं मंगलालयम्
सुतानं चारुसंगीतं राधाकृष्णगुणान्वितम्
क्षणेन चेतनां प्राप्य ते देवाः कृष्णमानसाः
ददृशुर्गोपिकाः सर्वा नानावेषविधायिकाः
काश्चिच्चामरहस्ताश्च करतालकराः पराः
सद्रत्नकिंकिणीजालशब्देन शब्दिता वराः
पुंवेषनायिकाः काश्चित्काश्चित्तासां च नायिकाः
काश्चित्संयोगविरताः काश्चिदालिंगने रताः
प्रगच्छंतः कियद्दूरं ददृशुश्चाश्रमान्बहून्
रूपेणैव गुणेनैव वेषेण यौवनेन च
त्रयस्त्रिंशद्वयस्याश्च राधिकायाश्च गोपिकाः
सुशीला च शशिकला यमुना माधवी रती
चंद्रमुखी च सावित्री गायत्री सुमुखी सुखा
कालिका कमला दुर्गा भारती च सरस्वती
कृष्णप्रिया सती चैव नंदिनी नंदनेति च
अमूल्यरत्नकलशसमूहैः शिखरोज्ज्वलान्
ब्रह्मांडाद्बहिरूर्ध्वं च नास्ति लोकस्तदूर्ध्वकः १८८. तदधश्च जलं ध्वांतमगंतव्यमदृश्यकम्