वैकुंठं परमं धाम जरामृत्युहरं परम् कोटियोजनमूर्ध्वं च ब्रह्मलोकात्सनातनम्
वर्णनीयं न कविभिर्विचित्रं रत्ननिर्मितम्
ते मनोयायिनः सर्वे संप्रापुस्तं मनोहरम्
रत्नसिंहासनस्थं च रत्नालंकारभूषितम्
रत्नकुण्डलयुग्मेन गंडस्थलविराजितम्
शांतं सरस्वतीकांतं लक्ष्मीधृतपदांबुजम्
सुनंदनंदकुमुदैः पार्षदैरुपसेवितम् परमानंदरूपं च भक्तानुग्रहकारकम्
तं प्रणेमुः सुरेंद्राश्च भक्त्या ब्रह्मादयो मुने परमानंदभारार्ताः पुलकांचितविग्रहाः
ब्रह्मोवाच नमामि कमलाकांतं शांतं सर्वेष्टमच्युतम्
मनवश्च मुनींद्राश्च मानुषाश्च चराचराः
शंकर उवाच अनादिमादिमानंदरूपिणं सर्वरूपिणम्
अणिमादिकसिद्धीनां कारणं सर्वकारणम्
वेदे निर्वचनीयं यत्तन्निर्वक्तुं च कः क्षमः
तदतिरिक्तं स्तवनं किमहं स्तौमि निर्गुणम्
पठित्वा मुच्यते दुर्गाद्वाञ्छितं च लभेन्नरः
गोलोकं यात यूयं च यामि पश्चाच्छ्रिया सह
एते यास्यंति गोलोके तथा देवी सरस्वती सावित्री वेदमाता च पश्चाद्यास्यंति निश्चितम्
नारायणश्च कृष्णोऽहं श्वेतद्वीपनिवासकृत्
कलाकलांशकलया सुरासुरनरादयः
वयं पश्चाद्गमिष्यामः सर्वेषामिष्टसिद्धये
प्रणम्य देवताः सर्वा जग्मुर्गोलोकमद्भुतम्
ऊर्ध्वं वैकुंठतो गम्यं पंचाशत्कोटियोजनम्
तमनिर्वचनीयं च देवास्ते गमनोत्सुकाः
दृष्ट्वा देवाः सरित्तीरं विस्मयं परमं ययुः
मुक्तामाणिक्यपरममणिरत्नाकरान्वितम्
प्रवालांकुरमुद्भूतं कुत्रचित्सुमनोहरम्
विधेरदृश्यामाश्चर्य निधिश्रेष्ठाकरान्वितम्
कुत्रचिच्च मरकताकरश्रेणीसमन्वितम्
अमूल्यपीतवर्णाभं मणिश्रेण्याकरान्वितम्
कुत्र निर्वचनीयानां मणीनामाकरं परम्