गतिस्त्वमस्या भो ब्रह्मन्निर्वृतिं कर्तुमर्हसि
वयं तेनैव दुःखार्तास्तद्भारहरणं कुरु
दूरीकृत्य भयं वत्से सुखं तिष्ठ ममांतिकम्
अपनेष्यामि तं भद्रे भद्रं ते भविता धुवम् पीडिता येन येनैवं प्रसन्नवदनेक्षणा
विना बंधुं सविश्वासं नान्यं कथितुमर्हति
स्त्रीजातिरबला शश्वद्रक्षणीया स्वबंधुभिः
त्वया पृष्टा जगत्तात न लज्जा कथितुं मम
कृष्णभक्तिविहीना ये ये च तद्भक्तनिंदकाः
स्वधर्माचारहीना ये नित्यकृत्यविवर्जिताः
पितृमातृगुरुस्त्रीणां पोषणं पुत्रपोष्ययोः
ये मिथ्यावादिनस्तात दयासत्य विवर्जिताः
मित्रद्रोही कृतघ्नश्च मिथ्यासाक्ष्यप्रदायकः
कल्याणसूक्तसामानि हरेर्नामैकमंगलम्
जीवघाती गुरुद्रोही ग्रामयाजी च लुब्धकः
पूजायज्ञोपवासादि व्रतानि विविधानि च
सदा द्विषंति ये पापा गोविप्रसुरवैष्णवान्
शंखादीनां च भारेण पीडिताऽहं यथा विधे
इत्येवं कथितं सर्वं मद्व्यथाया निवेदनम्
इत्येवमुक्त्वा वसुधा रुरोद च मुहुर्मुहुः
भारं तवापनेष्यामि दस्यूनामप्युपायतः
कालेन भारहरणं करिष्यति मदीश्वरः
मधुकाष्ठं चंदनं च कस्तूरीं तीर्थमृत्तिकाम्
इंद्रनीलं सूर्यमणिं रुद्राक्षं कुशमूलकम्
शंखं प्रदीपमालां च शिलामर्च्यां च घंटिकाम् ग्रंथियुक्तं यज्ञसूत्रं दर्पणं श्वेतचामरम्
गोरोचनं च मुक्तां च शुक्तिं माणिक्यमेव च
रजतं कांचनं चैव प्रवालं रत्नमेव च
त्वयि ये स्थापयिष्यंति मूढाश्चैतानि सुन्दरि
ब्रह्मा पृथ्वीं समाश्वास्य देवताभिस्तया सह
गत्वा तमाश्रमं रम्यं ददर्श शंकरं विधिः
व्याघ्रचर्मपरीधानं दक्षकन्यास्थिभूषणम्