वह्नेः प्रिया हि स्वाहा च कुबेरस्य च सुन्दरी
ऐशानी स्याच्छशिकला शतरूपा मनोः प्रिया
लोपामुद्राऽप्यगस्त्यस्य देवमाताऽदितिस्तथा 3.45.
गङ्गा च तुलसी चापि पृथिव्यां या सरिद्वरा
गृहलक्ष्मी गृहे नॄणां राजलक्ष्मीश्च राजसु
सतां सत्त्वस्वरूपा त्वमसतां कलहाङ्कुरा
सूर्य्ये प्रभास्वरूपा त्वं दाहिका च हुताशने
त्वं भूमौ गन्धरूपा चाप्याकाशे शब्दरूपिणी
सर्वबीजस्वरूपा त्वं संसारे साररूपिणी
कृष्णेन विद्या या दत्ता सर्वज्ञान प्रसूः शुभा
सृष्टिपालनसंहारशक्तयस्त्रिविधाश्च याः
मधुकैटभभीत्या च त्रस्तो धाता प्रकम्पितः
मधुकैटभयोर्युद्धे त्राताऽसौ विष्णुरीश्वरीम् 3.45.
त्रिपुरस्य महायुद्धे सरथे पतिते शिवे
विष्णुना वृषरूपेण स्वयं शम्भुः समुत्थितः
यदाज्ञया वाति वातः सूर्यस्तपति सन्ततम्
यदाज्ञया हि कालश्च शश्वद्भ्रमति वेगतः
स्रष्टा सृजति सृष्टिं च पाता पाति यदाज्ञया
ज्योतिस्स्वरूपो भगवाञ्छ्रीकृष्णो निर्गुणः स्वयम्
रक्ष रक्ष जगन्मातरपराधं क्षमस्व मे
उक्त्वा परशुरामश्चेति नत्वा तां रुरोद ह
अमरो भव हे पुत्र वत्स सुस्थिरतां व्रज
सर्वान्तरात्मा भगवांस्तुष्टस्स्यात्सन्ततं हरिः 3.45.
इष्टदेवे गुरौ यस्य भक्तिर्भवति शाश्वती
श्रीकृष्णस्य च भक्तस्त्वं शिष्यो वै शंकरस्य च
अहो न कृष्णभक्तानामशुभं विद्यते क्वचित्
चन्द्रमा बलवांस्तुष्टो येषां भाग्यवतां भृगो
यस्मै तुष्टः पालयति नरदेवो महान्सुखी
इत्युक्त्वा पार्वती तुष्टा दत्त्वा रामाय चाशिषम्
स्तोत्रं वै काण्वशाखोक्तं पूजाकाले च यः पठेत्