ददर्श कार्त्तिकेयं च वामे दक्षे गणेश्वरम् 3.41.
प्रधानपार्षदगणान्क्षेत्रपालांश्च नारद
तान्सम्भाष्य भृगुः शीघ्रं महाबलपराक्रमः
गच्छन्तं तं गणेशश्च क्षणं तिष्ठेत्युवाच ह
ईश्वराज्ञां गृहीत्वाऽहमत्रागत्य क्षणान्तरे
गणेशवाक्यं परशुरामश्श्रुत्वा महाबलः
इति श्रीब्रह्मवैवर्त्ते महापुराणे तृतीये गणपतिखण्डे नारदनारायणसंवादे कैलासवर्णनं नामैकचत्वारिंशत्तमोऽध्यायः
परशुराम उवाच प्रणम्य मातरं भक्त्या यास्यामि त्वरितं गृहम्
त्रिस्सप्तकृत्वो निर्भूपां कृत्वा पृथ्वीं च लीलया
नानाविद्या यतो लब्धा नानाशस्त्रं सुदुर्लभम्
सगुणं निर्गुणं चैव भक्तानुग्रहविग्रहम्
स्वेच्छामयं दयासिन्धुं दीनबन्धुं मुनीश्वरम्
परापराणां स्रष्टारं पुरुहूतं पुरस्कृतम्
सर्वमङ्गलमाङ्गल्यं सर्वमंगलकारणम्
आशुतोषं प्रसन्नास्यं शरणागतवत्सलम्
इत्थं परशुरामोऽस्थादुक्त्वा गणपतेः पुरः
क्षणं तिष्ठ क्षणं तिष्ठ शृणु भ्रातरिदं वचः 3.42.
स्त्रीसंयुक्तं च पुरुषं यः पश्यति नराधमः
विशेषतश्च पितरं गुरुं भूतपतिं द्विज
रहः सुरतसंसक्तं नहि पश्येद्विचक्षणः
स्त्रीविच्छेदो भवेत्तस्य ध्रुवं सप्तसु जन्मसु कामतोऽपि विमूढश्च सोऽन्धो भवति निश्चितम्
गणेशस्य वचः श्रुत्वा प्रहस्य भृगुनन्दनः
परशुराम उवाच इदमेवमहो नैवं श्रुतमीश्वरवक्त्रतः
श्रुतं श्रुतौ वाक्यमिदं कामिनां च विकारिणाम् यास्याम्यन्तःपुरं भ्रातस्तव किं तिष्ठ बालक
यथादृष्टि करिष्यामि मत्कार्य्यं समयोचितम्
जगतां पितरौ तौ च पार्वतीपरमेश्वरौ
सर्वरूपः शङ्करश्च सर्वारूपा च पार्वती 3.42.
क्रीडा लज्जा भीतिभंगो ग्राम्यस्यैव न चेशितुः
लज्जायाश्च कुतो लज्जा लज्जेशस्य च सा कुतः
शीतं शैत्यमहो भ्रातर्निदाघो दाहमेव च