महालक्ष्म्याश्च मन्त्रं च शृणु तं कथयामि ते
ध्यानं च सामवेदोक्तं शृणु पूजाविधिं मुने
सहस्रदलपद्मस्थां पद्मनाभप्रियां सतीम्
पद्मपुष्पप्रियां पद्मपुष्पतल्पाधिशायिनीम्
पद्मभूषणभूषाढ्यां पद्मशोभाविवर्द्धनीम्
चन्दनाष्टदले पद्मे पद्मपुष्पेण पूजयेत् 3.38.
ततः स्तुत्वा च प्रणमेत्साधको भक्तिपूर्वकम्
शृणु विप्रेन्द्र पद्मायाः कवचं परमं शुभम्
सम्प्राप्य कवचं ब्रह्मा तत्पद्मे ससृजे जगत्
पद्मालयावरं प्राप्य पाद्मश्च जगतां प्रभुः
दत्तं सनत्कुमाराय प्रियपुत्राय धीमते
यद्धृत्वा पाठनाद् ब्रह्मा सवसिद्धेश्वरो महान्
यद्दत्वा च धनाध्यक्षः कुबेरश्च धनाधिपः
प्रियव्रतोत्तानपादौ लक्ष्मीवन्तौ यतो मुने
कवचस्य प्रसादेन स्वयं दक्षः प्रजापतिः
यद्धृत्वा दक्षिणे बाहौ विष्णुः क्षीरोदशायितः 3.38.
यद्धृत्वा वामनं लेभे कश्यपश्च प्रजापतिः
राजा मरुत्तो भगवानभवद्धारणाद्यतः
विश्वं विजिग्ये खट्वाङ्गः पठनाद्धारणाद्यतः
सर्वसम्पत्पदस्यास्य कवचस्य प्रजापतिः
धर्मार्थकाममोक्षेषु विनियोगः प्रकीर्तितः
ॐ ह्रीं कमलवासिन्यै स्वाहा मे पातु मस्तकम्।। श्रीं मे पातु कपालं च लोचने श्रीं श्रियै नमः
ॐ श्रीं क्लीं महालक्ष्म्यै स्वाहा मे पातु नासिकाम
ॐ श्रीं पद्मालयायै च स्वाहा दन्तान्सदाऽवतु
ॐ श्रीं नारायणेशायै मम कण्ठं सदाऽवतु
ॐ श्रीं पद्मनिवासिन्यै स्वाहा नाभिं सदाऽवतु 3.38.
ओं श्रीं मों कृष्णकान्तायै स्वाहा पृष्ठं सदाऽवतु
ॐ श्रीनिवासकान्तायै मम पदौ सदाऽवतु
प्राच्यां पातु महालक्ष्मीराग्नेय्यां कमलालया
पद्मालया पश्चिमे मां वायव्यां पातु सा स्वयम्